Қоғамдық палата

Қарағандыда тісін емдетуге барған оқушы қыз ажал құшты

  • Қарағандыда тісін емдетуге барған оқушы қыз ажал құшты

    Қарағандыда тісін емдетуге барған оқушы қыз ажал құшты

 Қарағандыда стоматологиялық клинакаға тісін емдетуге барып, ажал құшқан қыздың өлімі бойынша қозғалған іс сотқа жетер емес. 13 жасар Жансая Омарова наркоздан кейін тілге келмей кеткен. Оқиға былтыр наурызда болса да, бірнеше қайтара сараптама жүріп, тергеушілер де сан рет ауысыпты. Сараптама, балаға еш тексерусіз наркоз берілгенін анықтап та қойған. Істің сонда да сағызша созылғанын арызданушы тарап түсіне алар емес.


Туғанынан сал ауруына шалдыққан Жансая өз аяғымен кіріп, бас-аяғы жарты сағатта жан тапсырған жер – дәл осы клиника. Ал мына кадрларда тіс дәрігерлерінің 13 жасар қызды аман алып қаламыз деп арпалысып жатқан сәті көрсетілген. Сәтбаев қаласынан Қарағандыға тісін емдетуге келген ол дәрігерлердің берген наркозынан кейін оянбапты.


Мағжан Омаров, Жансаяның әкесі:


-Ішіне кірсек, бала жерде жатыр. Астында кішкене жаялық. Бетон еденде жатыр. Жолдасымын екеуміз көтеріп, төсекке жатқыздық. Бірақ бәрі кеш еді. Бала өліп кеткен.


Жансаяның әкесі адвокат жалдап, содан бері Қарағанды мен Сәтбаевтың арасында әлі сабылып жүр. Айтуынша, іс қозғалғанымен тергеушілер бірнеше рет ауысқан. Сараптама да қайта-қайта тағайындалыпты. Негізі, дәрігерлердің қателігін дәлелденген дейді адвокаты.


Төлеубай Мусин, адвокат:


-Реакция бола ма балаға, оған қарамаған. Ол жағын тексермеген. Баласын өлтіріп қолына беріп қоя берді. Содан кейін адам құсап кешірім де сұрамай, адамның көңілін таптап тастаған.


Алайда клиника кешірім сұрамақ түгілі, өздерін судан ақ, сүттен тазамыз деп отыр. Бала өлімінен кейін әкімшілік жазаға тартылғандарын да қинала айтты. Өйткені, сол кезде емхананың анестезия жүргізуге рұқсаты болмаған екен.


Ерлан Анашбаев, тіс емханасының директоры:


-Бұл жерде біздің кінәміз жоқ. Наркоз салуға лицензияның керек екенін де білмеппіз. Кейін алдық. Бірақ жеке-жеке 3 дәріге аллергиясы болмаған. Оларды қосқан кезде ғана осындай реакция беріп отыр. Қолдан келгенше жедел көмекті де көрсеттік.


Тергеушілер алғашқы сараптама қорытынысымен арызданушы жақ келіспегендіктен, істің қаралу мерзімі ұзарып отыр дейді. Енді Алматыда жүріп жатқан кешенді медициналық сараптама қортындысын күту керек екен. Ал шағымданушылар тергеушілердің сөзін жоққа шығарды. Осындай, негізсіз сылтаумен, істі сағызша созылғанынан мезі болдық дейді олар. Кінәлілер тіпті жазадан сытылып кете ме деп те алаңдаулы.


kaz.365info.kz




Көрілген: 1122    Пікірлер: 0

жексенбі, 16.04.2017, 22:13

Достарыңмен бөліс:

  • СОҢҒЫ ЖАРИЯЛАНЫМДАР:
    21 Мамыр 2017
    Audi арба (видео)

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31