Ел жаңалықтары

«Ақбеттау» журналы жарық көрді

  • «Ақбеттау» журналы жарық көрді

    «Ақбеттау» журналы жарық көрді

Ертіс-Баян өңірінде тағы бір тамаша басылым – «Ақбеттау» журналы оқырманға жол тартты. 300 данамен жарық көрген журналдың алғашқы нөмірі Мәшһүр Жүсіп Көпеевке арналып, мұқабасына әулие бабамыздың Екібастұздағы ескерткішінің суреті басылыпты.

Журнал редакторы Сайлау Байбосынның айтуынша, басылымның меншік иесі – Ерәділ Түсіпбаев жетекшілік ететін «Баянауыл ауданының рухани даму қоры». Жылына төрт рет шығатын журнал бұл жолы 110 бет болып жарық көрді. Бұл нөмірге Зекебай Солтанбаевтың «Мәшһүр Жүсіп – әлемдік тұлға», Сүлеймен Баязитовтің «Мәшекеңнің тұрмыс жайында...» мақаласы хақында», Сайлау Байбосынның «Мәшһүр Жүсіп пен Хамбо-лама», «Көпшілік Көпей сопыны біле ме екен?» атты материалдары енгізілген. Сонымен бірге, белгілі дін қайраткері, ғалым, аудармашы, фольклоршы Сәдуақас (Сәкен) халфе Ғылманидың (1890-1972 жж.) «Мәшһүр Жүсіп жайлы біраз сөзі» де оқырман қызығушылығын тудырады. Шахталы шаһар аспанынан мезгілсіз ағып түскен жұлдыздай болған марқұм Алмагүл Жүгінісованың «Ұлбике» дастаны да журналдың жаңа нөмірінен табылды.

 


Алдағы уақытта «Қазпошта» каталогынан орын алатын «Ақбеттаудың» келесі нөмірі қазақтың тұңғыш режиссері Жұмат Шанинге арналмақ. Олай болса, қойнындағы құнды жазбаларымен қазақ руханиятын байытуға беттеген «Ақбеттаудың» зерделі оқырманы көп болсын дейік.


Жанаргүл Қадырова,

Павлодар облысы


 




Көрілген: 599    Пікірлер: 1
Пікірлерді оқу (1) preloader

бейсенбі, 28.09.2017, 13:15

Достарыңмен бөліс:

СОҢҒЫ ЖАРИЯЛАНЫМДАР:

Көп ашылған Көп пікір жазылған

2017
2008
2009
2010
2011
2012
2013
2014
2015
2016
2017
қараша
қаңтар
ақпан
наурыз
сәуір
мамыр
маусым
шілде
тамыз
қыркүйек
қазан
қараша
желтоқсан

Алаш Айнасы мұрағаты

Дс Сс Ср Бс Жм Сн Жс
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30