Ел жаңалықтары

Қазақ қобызы әлемге Фатимамен әйгіленген

Биыл – кәсіби қобыз өнерінің негізін қалаушы, қобызды әлем­ге паш еткен қобызшы ұстаз Фа­ти­ма Жұмағұлқызы Балғаева­н­ы­ң туға­нына 85 жыл.

Консер­вато­­рия­­ның қобыз класының тұңғыш түлегі болған профессор өмірден кетсе де, кейінгі буын көңілінен өшірмеу мақсатында Құрманға­зы атында­ғы қазақ ұлттық кон­сер­ватория­сын­да студенттік ғы­лы­ми-тәжіри­бе­лік конференция және концерт өтті. Көнеден жеткен қыл, нар, жез қобыз­дың қазіргі заманға лайықталған төрт ішекті при­ма қобыз үлгісін оркестрге икем­деген – ака­демик Ахмет Жұбанов. Ал ас­пап­тың әуезді әсем үнін әлем жұртшылы­ғына тұңғыш тың­датқан Фатима Балғаева екені аян. 1945 жы­лы консерваторияның қобыз класына қабылдан­ған Фатима оқу бітірген соң сонда ұстаз болып қабылда­нады. 1951 жылы Бер­линде, 1953 жылы Бухаресте, 1957 жылы Мәс­кеуде өткен Дүние­жүзілік   жастар мен сту­денттердің фестивалінде Құрманғазы атын­дағы акаде­мия­лық халық аспаптары оркес­трінің құра­мын­да болып, ұжым лау­реа­ты атағына ие болады. Қобыздың ысқы­шының орнына смыгекті пайдаланған кәсіби қобызда Фатима апамыз тек қазақ күйлерін ғана ор­ы­н­­дап қоймай, шығарма қорын әлем классиктерінің туындыларымен де ба­йыт­қан.

Меруерт КӘЛЕНБАЕВА, ҚР еңбек сіңірген әртісі, қобыз кафедрасының профессоры:

«Фатима Жұмағұлқызы – қазақ өне­рі­нің майталманы. Елеулі еңбегінің бірі – дүниежүзілік жастар мен студент­тердің фестиваліне қатысып, лауреат атануы. Сұра­пыл соғыс жылдарында елімізге Ре­сей­ден келген үлкен музы­канттар легі­мен бірге А.Жұбановтың шақыртуымен, ұлы скрипкашы И.А.Лес­сман Алматыға кон­серваторияға келіп, жұмыс істеді. Лес­сман­ның ұсынысымен композиторлар Фатима апайдың орын­дауына лайықтап фортепьяно мен қобыздың сүйемеліне арнайы шығар­малар жазған. Қобызға арналған бір­де-бір оқулық жоқ кезде Фатима апай арнайы оқулық жазып шығарды. Фати­ма апайдың насихатының арқасында  төрт ішекті қобыз үлкен оры­н­­даушылық деңгейге жетті. Қазақстанның түкпір-түкпірінде ол кісінің шәкірттері қобыз­дан сабақ беріп жүр. Қазақ үшін маң­дай терін төккен өнер иелерінің есімі ел аузында жүрсін, ұмытылмасын деген ниетпен осындай кеш ұйымдастырып жатқан жайымыз бар».

Кеш соңында қобыз және баян кафе­драсының студенттері қобыз бен домбы­рада қазақ және шетел композиторларының шығармаларын орындады.




Көрілген: 1064    Пікірлер: 0

жұма, 06.05.2011, 10:50

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31