Жаңалықтар

Депутат Сағынтаевқа ұстаздардың үстемеақыға қатысты наразылығын жеткізді

  • © Sputnik / Болат Шайхинов

    © Sputnik / Болат Шайхинов

Сенат депутаты Бірғаным Әйтімова үкімет басшысы Бақытжан Сағынтаевқа депутаттық сауал жолдап, мұғалімдерге үстемеақы төлеуге қатысты туындаған жағдайдың мән-жайын анықтауды сұрады, деп хабарлайды Sputnik Қазақстан тілшісі.


Президенттің Қазақстан халқына арнаған жолдауындағы тапсырмасы бойынша білім берудің жаңартылған мазмұнына көшкен ұстаздарға лауазымдық жалақысының 30 пайызы мөлшерінде үстемеақы белгіленген еді. Депутаттар өңірлерге барған кезде осы төлемақыға қатысты педагог қауымы көңілі толмайтын бірқатар жайтты жеткізген.


"Біріншіден, үстемеақы нормативтік жүктеме сомасына ғана төленеді, яғни ол 18 сағаттан аспайды. Осылайша, бір жарым ставкаға сабақ беретін мұғалімдер үстемеақыны тек нормативтік оқу жүктемесіне ғана алады. Бұл жағдай мұғалімдердің ахуалының нашарлауына және кадр тапшылығы мәселесіне алып келуі мүмкін. Өйткені ол ұстаздарды бір педагогикалық ставкадан жоғары көлемде сабақ беруге ынталандырмайды. Білім беру саласына жиырма жылын арнаған беделді, сауатты, білікті мұғалімдердің барлығы дерлік әдетте бір жарым ставкаға жұмыс істейтіні мәлім", — деді бүгін сенаттың жалпы отырысында Әйтімова.


Бұдан бөлек, үкіметтің 2018 жылдың ақпандағы қаулысына сәйкес, білім саласындағы азаматтық қызметшілерге, мемлекеттік бюджет қаражаты есебінен жұмыс істейтін ұйымдардың және қазыналық кәсіпорындардың қызметкерлеріне ерекше еңбек жағдайы үшін қаңтар айынан бастап үстемеақы төленуі тиіс екен.


"Бірақ кейбір өңірлерде жергілікті атқарушы орган әлі күнге дейін қаржыландыруды бастамай отыр. Әкімдіктер республикалық бюджеттен трансферт күтіп отырғанын алға тартады", — деді депутат.


"Құрметті, Бақытжан Әбдірұлы, айтылғандарды ескере отырып, жағдайды ерекше бақылауыңызға алып, мән-жайын анықтауды сұраймыз", — деп қорытты сөзін сенатор.


 


 




Көрілген: 998    Пікірлер: 0

бейсенбі, 31.05.2018, 14:52

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30