Жаңалықтар

Мектеп оқулықтарын латын қарпімен шығаруға қанша қаражат жұмсалады?

  • © inalmaty.kz

    © inalmaty.kz

Оқулықтарды латын қарпімен шығаруға қанша қаражат жұмсау жоспарланып отырғаны белгілі болды, - деп хабарлайды Tengrinews.kz тілшісі.


Бұл туралы электрондық үкімет сайтындағы құжатта айтылады.


Құжатқа сәйкес, бұл мақсатта 202 670,9 миллион теңге бөлу жоспарланып отыр екен.


"Қазақ тілінде оқытатын жалпы білім беретін мектептерге арналған барлық оқу пәндері бойынша, қазақ тілінде оқытпайтын мектептерге арналған "Қазақ тілі мен әдебиеті" оқу пәні бойынша латын графикасы негізіндегі оқулықтарды қайта шығару және оларды жергілікті атқарушы органдардың сатып алуын ұйымдастыру - 202 670,9 миллион теңге", - делінген "Қазақ әліпбиін латын графикасына 2025 жылға дейін кезең-кезеңмен көшіру бойынша іс-шаралар жоспары" құжатында.


Бұл бағдарламаны жүзеге асыратындар ретінде БҒМ, "Оқулық" РҒПО, баспалар, Астана, Алматы қалаларының, облыстардың әкімдіктері көрсетілген. Бағдарлама, жоспар бойынша, 2019-2025 жылдар аралығында жүзеге асырылады.


Жүзеге асыру бойынша жоспар кестесі төмендегідей көрсетілген:



Ал латын графикасы негізіндегі жаңа Қазақ тілінің үлкен орфографиялық сөздігінің қолжазбасын әзірлеу және жасауға 47,4 миллион теңге қарастырылған. Бұл шараны БҒМ, А.Байтұрсынұлы атындағы Тіл білімі институты жүзеге асырады.


Латын графикасы негізіндегі жаңа Қазақ тілінің үлкен орфоэпиялық сөздігінің қолжазбасын әзірлеу және жасауға 47,0 миллион теңге бөлінеді.Латын графикасы негізіндегі жаңа Қазақ орфографиясы бойынша үлкен анықтағыштың қолжазбасын әзірлеу және жасауға 28,5 миллион теңге және Латын графикасы негізіндегі жаңа Қазақ орфоэпиясы бойынша үлкен анықтағыштың қолжазбасын әзірлеу және жасауға тағы 28,5 миллион теңге қарастырылған. Латын графикасы негізінде терминографияның ғылыми негіздерін әзірлеу, терминологиялық база жасауға - 47,5 миллион теңге. Салалық топонимиялық және антропонимиялық сөздіктердің қолжазбасын әзірлеуге - 47,0 миллион теңге.


Латын графикасы негізінде Қазақстан Республикасы әкімшілік-аумақтық бірліктері атауларының және физика-географиялық атауларының анықтамалығын әзірлеуге - 37,9 миллион теңге. Жаңа үлкен орфографиялық, орфоэпиялық сөздіктер мен анықтамалықтарды шығару және таратуға - 300 миллион теңге. Латын графикасы негізіндегі жаңа Қазақ тілінің үлкен түсіндірме сөздігінің қолжазбасын әзірлеуге - 293,2 миллион теңге. Жаңа Үлкен қазақша-орысша-ағылшынша сөздіктің қолжазбасын әзірлеуге 291,9 миллион теңге.


Мұнымен қатар, латын графикасына көшуді ескере отырып, жалпы орта білім беру ұйымдары оқытушыларының біліктілігін арттыру курстарын ұйымдастыруға 10896,1 миллион теңге жұмсалмақ екен. Бұл бағдарламаны да БҒМ, "Өрлеу" БАҰО АҚ, Астана, Алматы қалаларының, облыстардың әкімдіктері жүзеге асырады.


Сондай-ақ, Әлеуметтік желілерде блогерлерді тарту арқылы түсіндіру жұмыстарын жүргізуге 462,6 миллион теңге бөлінгелі отыр екен.


Осы тұрғыда қазақ әліпбиін латын графикасына көшіру бойынша материалдарды әлеуметтік желілерде тарату барысында пайдалану үшін арнаулы хэштегтер жасау жоспарда бар.

 




Көрілген: 478    Пікірлер: 0

сәрсенбі, 17.01.2018, 14:03

Достарыңмен бөліс:

  • СОҢҒЫ ЖАРИЯЛАНЫМДАР:
    16 Қазан, 13:22
    Адалдық ардың ісі

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30