Жаңалықтар

Павлодарлық оқушы 1360 сіріңке қорабынан Яссауидің кесенесін құрастырды

  • © pavlodarnews.kz

    © pavlodarnews.kz

Павлодарда Катаев атындағы оқушылар сарайында «Туған жер» бағдарламасын іске асыру мақсатында «Радуга детских талантов» атты облыстық балалар шығармашылығының фестивалі өтті, деп хабарлайды Baq.kz ақпарат агенттігі pavlodarnews.kz сайтына сілтеме жасап.


Шығармашылық пен қолөнер шеберлерінің фестивалінде кескіндеме, тоқыма, аппликация, жүнмен жұмыс жасау, қағаз өнері, кесте, квиллинг, пейп-арт, тігу, ағаш кесу, металлды көркем өңдеу, табиғи және қалдықтармен өңдеу сияқты 63 жұмыс ұсынылды.


Бұл күні қатысушылар сайыскерлердің таңғажайып шығармашылық жұмыстары арқылы қазақ халқының мәдениеті және дәстүрлерімен танысты. Байқауға қосымша білім беру ұйымдарынан, жалпы білім беру мектептерінің оқушылары мен балалар қолөнер шығармашылық байқауының жеңімпаздары қатысты. Екібастұз қаласының оқушылары фестивальде белсенділік танытып, байқауға 22 жұмыс әкелді. Ал қалған қатысушылар Павлодар, Ақсу қаласы мен Баянауыл және Май аудандарынан келген. 7-18 жас аралығындағы оқушылар қазылар алқасына өздерінің таңғажайып жұмыстарын дайындап әкелді.



Қазылар алқасы үш номинация бойынша жеңімпаздарды анықтады. «Бейнелеу өнері» номинациясымен кіші жас ерекшелік категориясы бойынша Екібастұз қаласынан келген Данияр Ескелдиев «Менің әлемім» суретімен бірінші орынды жеңіп алды. Орта жас ерекшелік категориясы бойынша Павлодар қаласынан «Астана - 2050» жұмысымен Самира Амангелді үздік атанды. «Сәндік-қолданбалы шығармашылық» номинациясы бойынша кіші жас ерекшелік санатында №9 мектеп – гимназиясының оқушысы Дарья Кузьмина қағаздан «Су әлемі астында» жұмысымен ерекше көзге түсті.


Орта жас санатында Екібастұз қаласынан Ксения Волкова «Күй шерткен домбыра» атты жұмысымен жеңімпаз атанды. Жоғарғы санаттағы қатысушылардан бірінші орынға қол жеткізген Екібастұз қаласынан «Ұлттық әшекейлері» атты аппликация жұмысымен Сабина Колумбаева болды.



«Көркем қолөнері» атты номинация бойынша жеңімпаз атанғандар: кіші жас ерекшелік санатында Екібастұз қаласынан – Арайлым Каримова, орта және жоғарғы топтан Ақсу қаласы, Қызылжар мектебінен Темірлан Қалиев және Сұлтан Жутаев болды. Арайлым капроннан гүлдер жасаса, Темірлан – сіріңкеден кесене жасады, ал Сұлтан металлдан қыран жасап барша жұртты таңғалдырды.


«Бұл кесене екі жылда әзірленіп, 1360 қорап пайдаланылды. Бұдан басқа, темірден қыран бүркіт жасадық. Бұл өте қүрделі жұмыс. Шыдамдылықты талап етеді. Өзіміздің «Шебер қолдар» үйірмеміз бар. Жұмыстардың барлығы өте керемет», - дейді Ақсу қаласы Қызылжар орта мектебінің ұстазы Асқар Ақанов. 




Көрілген: 281    Пікірлер: 0
Пікір қалдырыңыз

жексенбі, 03.12.2017, 20:42

Достарыңмен бөліс:

  • СОҢҒЫ ЖАРИЯЛАНЫМДАР:
    27 Қыркүйек 2017
    Алматы – жастар қаласы
    22 Қыркүйек 2017
    Тіл - мемлекет тірегі
    4 Қыркүйек 2017
    Рухы биік дара тұлға

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31