Жаңалықтар

ҰБТ-дағы 140 балл: Назарбаев университеті түлекті неге қабылдамайтынын түсіндірді

  • © Sputnik / Болат Шайхинов

    © Sputnik / Болат Шайхинов

Назарбаев университеті ҰБТ-дан ең жоғары балл алған алматылық түлекті неге оқуға қабылдамағанын түсіндірді, деп хабарлайды Sputnik.


Ұлттық бірыңғай тестілеу кезінде №123 мектеп-гимназиясының түлегі Шиара Құдайбергенова Қазақстанда ең жоғары 140 балл жинаған жалғыз талапкер атанды.


Sputnik агенттігіне берген сұхбатында бойжеткен Назарбаев университетіне түскісі келетінін, бірақ бұл ЖОО-ға түсу ережелеріне байланысты оның мүмкін еместігін айтқан болатын.


Алматылық қызға мүмкіндік беріле ме деген редакция сұрағына университет баспасөз қызметі жауап бергендей, Назарбаев Университетінің академиялық бағдарламаларына студенттерді қабылдау конкурстық жүйе бойынша өтеді және ҰБТ нәтижесі іріктеу барысында ескерілмейді.


"Қазір келесі жылға студенттерді қабылдау процесі басталып кетті. Университет ережелері бойынша Шиара Құдайбергенова 2019-2020 оқу жылдарына түсу үшін конкурсқа қатыса алады", – деп хабарлады ЖОО өкілі Sputnik тілшісіне.


Назарбаев университетіне дайындық бағдарламасына немесе бакалавриатқа түскісі келетін түлектер университет порталында онлайн тіркелуі тиіс. Тіркелу кезінде талапкерлер ағылшын тілінде APTIS және IELTS емтихандарын, сонымен бірге бейінді пәндер бойынша NUFYP Entrance Test сынағын тапсырады.


Сонымен қатар, бакалавр мамандығына тіркелген түлектер халықаралық SAT/ACT және IELTS/TOEFL тестілерінің түпнұсқа сертификаттарын тапсыруы тиіс.


Қабылдау комиссиясы жүргізілген іріктеу бойынша барлық кезеңдерден өткен әр талапкерге тиісті рейтинг беріп, сол бойынша грантқа лайықты кандидаттар таңдалады.


 


 




Көрілген: 3401    Пікірлер: 0

сейсенбі, 03.07.2018, 09:59

Достарыңмен бөліс:

  • СОҢҒЫ ЖАРИЯЛАНЫМДАР:
    6 Сәуір, 11:23
    Қош келдің - Наурыз!
    5 Наурыз, 16:39
    Білімді ел – мәңгі ел

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31