Ұлттар достығы

Қазақстан – құшағы ыстық, құлашы кең байтақ өлке. 130-дан астам ұлт өкiлiнiң бiр атаның баласындай ынтымағы мен бiрлiгi жарасқан елде тұрамыз.
Осынша ұлт пен ұлыстың өкiлi бiрге тұрып, бiрге жасап, бiр мақсатқа жұмылып өмiр сүрiп келе жатқанымыз Елбасының дана саясатының нәтижесi болса керек. Алматы қаласының өзiнде 30-дан астам ұлттық мәдени орталықтары бар. Осы орайда Алатау ауданына қарасты №151 ЖББ мектепте ұйымдастырылған Ұлттар достығы атты мәдени шарасы кең көлемде аталып өттi.
Мектеп оқушылары түрлi ұлт өкiлiнiң ұлттық киiмдерiн киiп,салт-дәстүрлерiн көрсетiп, әндерi мен мың бұралған билерi сахнаның көркiн нұрландыра түстi. Осылайша ұлттар достығының алтын көпiрiн нығайтпақ. Әр ұлттың әдет-ғұрпын,салт дәстүрiн және тарихы туралы өз ойларын ортаға салған оқушылар ұлтаралық ынтымақта болу мiндет қана
емес, тарихи парыз екенiн түсiндi. «Ұлтаралық қатынастың жақсы жолға қойылуы халықтар достығының нығаюы, әсiресе, бiздiң Қазақстан сияқты көп ұлттың өкiлi тұратын, демократиялық жолмен дамып келе жатқан республика үшiн өте қажет», – деп мектеп директоры Ж.Молдабаева сөз түйiнiн қорытындылады. Аталған шараға атсалысқан
мектеп мұғалiмдерi мен оқушыларына ерекше алғысын бiлдiрiп, мадақтады.
Н.ЖҮНIСОВА,
№151 ЖББМ Қазақ тiлi мен әдебиетi пәнiнiң мұғалiмi.