Бокс

Сарапшы "Канело" - GGG реваншы өтпей қалуының ұтымды тұстарын атады

  • © Vesti.kz

    © Vesti.kz

FightSpace жобасының негізін қалаған белгілі комментатор Григорий Стангрит қазақстандық боксшы Геннадий Головкин мен мексикалық Сауль "Канело" Альварестің 5 мамырға жоспарланған екінші жекпе-жегі өтпей қалуынан кімнің ұтқанын айтты, - деп хабарлайды Vesti.kz.


"Жекпе-жектің өтпейтіні, бір жағынан, әрине, өкінішті. Бірақ қатты өкінішті дей де алмаймын. Қазір Альварестің шеттетілуі мүмкін екені жайлы жағдай 5 мамырда жылдың әділетсіздігіне ұшыраудың алдын алғандай", - деп есептейді Стангрит.


Комментатордың айтуынша, Golden Boy Альварес екінші жекпе-жекте жеңіске жетуі үшін қолдан келгенді жасауы мүмкін еді.


"Альварес екінші жекпе-жекте Головкиннен жеңілсе, Геннадий "Бәрі бітті. Кімнің мықты екенін анықтадық. Мен жеңдім. Енді қызық емес, дәлелдеп жатпаймын да. Осы жеткілікті. Бір рет жеңіп едім, қазылар алқасы жеңісті бермей қойды, мен екінші рет жеңдім. Енді үшінші кездесудің не мәні бар" деуі мүмкін. Иә, бір жағынан ақша бар, бірақ Головкин Альваресті жеңгеннен кейін кез келген қарсыласпен кездесіп, көп ақша таба алатын деңгейде болады. Оның үстіне Англияда Билли Джо Сондерспен жекпе-жек өткізу мүмкіндігі бар, бұл елде Головкин өте танымал. Төрт бірдей титул тігіліп, көп ақша табуға болады", - деді ол.


Оның ойынша, екінші жекпе-жек те біріншісі секілді болса, онда жеңісті Альвареске берер еді.


"Дау болса да, ол маңызды емес. Жеңісті ресми түрде Альвареске берер еді. Белбеулер соған кетер еді. Әділ емес деп бәрі шуласа да, Головкин бұдан ұта алмайтын еді. Пакьяо-Брэдли бірінші кездесуін еске алайық, сұмдық әділетсіз шешім, бірақ бұдан біреу ұтты ма? Белбеу Брэдлиге беріліп, Пакьяо жеңіліс тапты. Golden Boy да дәл осылай "Біз Головкинді жеңдік, бәрі бітті" дей салуы мүмкін.


Сондықтан бұл жағдайда Головкин ұтты. Екінші жекпе-жек өтсе, Альвареске түсетін психологиялық қысым көбірек. Мексикалықтың абыройына нұқсан келгеннен кейін Головкинге жеңіс берілуі мүмкін", - деді Стангрит.




 




Көрілген: 436    Пікірлер: 0

бейсенбі, 05.04.2018, 13:00

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30