Өркениет

Аман Тасыған: Мейрамбектің шын бейнесін көрсеңіз шошып кетесіз (видео)

  • © Новости Казахстана

    © Новости Казахстана

Қазір ат шығару дейміз бе, атақ шығару деген жөн бе, анығын өздеріңіз айтасыздар. Теле журналистикада эфир жағалап жүрген қыз-жігіттер алуантүрлі амал-айлаға баратын болған.


Солардың бірі – Аман Тасыған. Атышулы Замираны сұхбатқа шақырып, оған белден төмен сұрақтар қойып танымал болған. «Жас Қазаққа» сұхбат берген Аман ағынан жарылған екен.


Мейрамбек туралы


Мейрамбек Бесбаев жайында кез келген адам өзінің санасына керемет сурет салады. Ол ішпейді, түзу жүреді, ерсі әрекеті жоқ деген сияқты.


Күндердің бір күнінде оның шынайы бет бейнесін көрген кезде, көрерменнің санасында үлкен бір төңкеріс болады. Қабылдай алмай қалады.


Мысалы Төреғали соның таяғын жеді. Өмірде ол басқа адам. Ал сахнада, көрерменнің көзінде мүлдем басқа болып қалыптасқан.


Шынайы бет бейнесін көрген кезде әлеуметтік желідегілер қабылдай алмады.


Біз өкінішке қарай, сен екеуміз отырған үстелдің табиғи ағаштан жасалғанын қабылдай алмаймыз. Оны орманның ішіндегі кәдімгі ағаш екенін айтса, «Өңделген, әдемі, басқаша ғой. Бұл қалай жәй ғана ағаштан жасалады» — деп сенбей жатамыз. Әдемілікті, жасандылықты қатты насихаттап жібереміз. Осының кесірінен кей кезде шынайы сырласатын адам таппай қаламыз. Жасандылық жайлап кетті.



«Қалаулым» туралы


Соңғы уақыттары Youtube желісінде TalkLike жобасын қолға алдым. Ол жерде белден төмен әңгіме жиі айтылады.


Бұл стратегиялық, мақсатты түрде жасалып отырған қадам.


Менің белден төмен сұрақ қоятын сұхбатымның өзіндік сыры бар. Осы жерде «Қалаулым» бағдарламасына қатысты бір ғана нәрсе айта аламын. Оның дәл осындай рейтингке ие болуына телеарна басшылары тікелей кінәлі. Себебі, 2000 жылдары сіз екеуміз бала болып жүргенде жастардың өзі қатыса алатын, ойын айта алатын көптеген бағдарлама болды. Атап айтар болсам, «Мың бір мақал», «XXI ғасыр көшбасшысы», «Азамат» пікірталас клубы, «Алтын сақа» интеллектуалдық ойыны. Ал қазір ше?


Жастарға арналған «Қалаулымнан» басқа қандай бағдарлама бар?


Қалаулымның дәл осылай көрерменнің қызығушылығына іліккендігінің бірінші мәселесі – осы.


 


Замира жайында


Интернеттегі жобам – TalkLike деп аталады. Мен сұхбатымды Қабдеш ағадан бастасам болар еді. Ғажап сұрақ қойып, керемет, көркем жауап алар едім. Десек те оны аз адам көретін болады. Өйткені қазіргі көрерменнің қалауы басқа. Осыдан екі күн бұрын Тұңғышбай ағаның сұхбаты шықты.


Бірақ бағдарламаны Замирадан бастамағанда оны ешкім көрмейтін еді.


Саналы түрде құрбандыққа бардым.


«Белден төмен сұрақ қоюдан басқаны білмедің бе?» дейді желідегі жұрт.


Кешіріңіз, сонда сіз Замираға бұдан өзге қандай сұрақ қоясыз?


Саяси-экономикалық маңызы бар сұрақ қоясыз ба?


Мысалы мен өнер майталмандарына, Тұңғышбай ағаға дәл сондай белден төмен сұрақ қойсам, ол кезде мені табанға салып, таптауға да болады. Бірақ мен олай жасап жатқаным жоқ.


Сауатты дүние жасағың келеді. Десе де оны қоғам қабылдамайтын болып кетті. Жұртқа «Неге Замирамен сұхбаттастың?» деген қызық болып тұр.



365info.kz




Көрілген: 14882    Пікірлер: 0

дүйсенбі, 26.02.2018, 20:41

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30