Өркениет

Қайраттың жұбайы ағыл-тегіл жылап, уайымнан тамақ ішпей қалатын күндерін еске алды

  • Қайраттың жұбайы ағыл-тегіл жылап, уайымнан тамақ ішпей қалатын күндерін еске алды

    Қайраттың жұбайы ағыл-тегіл жылап, уайымнан тамақ ішпей қалатын күндерін еске алды

Өткен жылдың қазан айында алғаш рет жұрт назарына шыққан Қайрат Нұртастың жұбайы отандық шоу-бизнестегі танымал бикештердің тізімінде. 10 жыл бойы көпшілік көзінен тасада жүрген Жұлдыз Әбдікәрімоваға деген халықтың қызығушылығы да ерекше. Аздаған уақыт ішінде бірден жұрттың ыстық ықыласына бөленген актрисамен NUR.KZ тілшісі сұхбаттасқан болатын.


«Елдің қалай қабылдап жатқанын білмеймін. Бірақ өзімнің ортамда, таныстарым болсын, мектептегі балаларымның мұғалімдері болсын, сол кісілердің маған деген ойлары оң. Тілектері де оң! Олар маған жақсы баға беріп жатыр. Өнерде араласатын құрбыларым да бар, таныстарым да бар», - дейді Жұлдыз.


Көпшілік арасында Жұлдызға жағымсыз пікірлерді жазатындар да жеткілікті екен. Әсіресе Қайратпен қосыла ән шырқаған Әбдікәрімованы сынағандардың санында шек жоқ."Енді арасында сынап та жатқандары бар. Ол да дұрыс шығар. Мен ол кісілерге ерсі көрінетін шығармын. Әнші болып кетті деп ойлап жатқан болар. Бірақ мен әнші емеспін. Әнші болуды мен мақсат тұтқан жоқпын. Бұл тек қана Қайраттың жеке кешінде өнер көрсету. Дегенмен де әу демейтін қазақ жоқ қой. Мен актер мамандығын бітіргенмін. Кез-келген адам ән айтады деп ойлаймын», - дейді актриса.

Желіде Жұлдыздың өнеріне ғана емес, жеке өміріне де тіл тигізетіндердің қарасы көп. Ғаламтор қолданушылары: «Қайраттың танымалдылығы үшін тұрмысқа шықты» - деп кінәлайтын көрінеді. Ал көңіліне қаяу салған сынға Жұлдыздың жауабы дайын.


«Көбісі «Қайрат танымал болғаннан соң күйеуге шыққан шығарсың» - деп айтып жатады. Жалпы біз Қайрекең екеуміз 2007-ші жылы шаңырақ көтердік. Бірақ 2004-тен бері біз таныс болдық. Кездесіп жүрдік. Біз Қайрат екеуміз бірнеше жылдар бойы бір-бірімізді танимыз. Яғни біргеміз», - дейді Қайраттың жұбайы.

Әбдікәрімова алғашқыда әр сынға уайымдап, тамағынан ас өтпеген сәттері де жиі болыпты. Қазір кереғар пікір жазғандарға Жұлдыздың еті үйренген.


«Халықпен араласып тұрамын. Бірақ ішінде қатты кететіндері де болады. Басында мен жауап беретінмін. Алғашқыда ағыл-тегіл болып, «Ойбай, мен солай істеп қойыппын» - деп уайымдайтынмын. Бірақ қазір оған көңіл аудармайтынмын. Себебі олар өте көп. Әрбіріне көңіл аударсам, мен бала-шағамды ұмытып кететіндей жайтта боламын. Сондықтан әлеуметтік желілерде жазылатын жағымсыз ой-пікірлерге көп мән бере бермеймін. Айтатынымды, жазатынымды өзім жазамын», - дейді Жұлдыз Әбдікәрімова. 




Көрілген: 2359    Пікірлер: 0

дүйсенбі, 26.03.2018, 10:16

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30