Маржан Сұлтанбай кімнің тоқалы?
Шіркін «лайф» шоуында шулы әрекеттерімен ел есінде қалған тележүргізуші Маржан Сұлтанбаеваның аяқ астынан тұрмысқа шығуы да елді шулатқан еді. Тіпті Маржанды Бекболат Тілеуханның тоқалы екен деп шуласқандар да көп болған. Тіпті ғаламторда екеуінің суретін жұптастырып қойғандары да рас. Маржан жақында осы шулы әңгімеге өзі нүкте қойды.
«Жұлдыздар отбасы» журналының «Тоқал болуға қалай қарайсыз» деп әнші, тележүргізуші қыз келіншектер арасында жүргізген сауалнамасында Маржан «Біреудің оныншы әйелі болып отырса да, ол қоғамның алдында ақталуға міндетті емес. «Бақытты адам ешкімнің алдында өзінің керемет екенін дәлелдеуге тырыспайды» деген сөз бар. Сондықтан бұл мәселе жайында мен де ештеңе айта алмаймын» дей келіп, «Мен туралы ғаламторда жазылған, айтылған пікірлер өте көп. Әсіресе «Күйеуіңіз өзіңізден 15 жас үлкен екен. Біреудің тоқалы екенсіз, рас па?» деп сұрайды. Сондай-ақ мені «Бекболат Тілеуханның тоқалы екен» деп шығарып алыпты. Шындығына келгенде, Бекболат Тілеухан мен Мұхамеджан Тазабеков ағалардың келінімін» деп жауап беріпті.
