Өркениет

«Тұмар» сыйлығын табыстау шарасында өмірден озған телевидение ардагерлері еске алынды

  • «Тұмар» сыйлығын табыстау шарасында өмірден озған телевидение ардагерлері еске алынды

    «Тұмар» сыйлығын табыстау шарасында өмірден озған телевидение ардагерлері еске алынды

«Тұмар» бірінші ұлттық телевизиялық байқауы сыйлығын табыстауға арналған салтанатты шараға қатысушылар өмірден озған ұлттық телевидение ардагерлерін 1 минут үнсіздікпен еске алды, деп хабарлайды ҚазАқпарат.


«Ұлттық телевизиялық «Тұмар» бәйгесі тұрақты, әріптестерімнің әрбір атар таңы шуақты, әріптестерімнің барлығы жыл сайын осындай сынақты, ал бәріміз бай қуатты болайық. Бүгін телевизиялық «Тұмар» бәйгесіне қатысушылар да, марапаттаушылар да, маған дейін сөйлеген шешендер де бұл бәйгені бірінші деді. Келісуге де болатын шығар. Бірақ, кеңестік жүйеде, осында ардагерлер де отыр, дәл осындай «Жолдас» деген үлкен конкурс, үлкен фестиваль болған. Оның бер жағында Арманжан Байтасов ұйымдастырған «Алтын жұлдыз» бәйгесі болған. Сондықтан да «Тұмар» бәйгесінің тұрақты болғанын қалаймын», - деді байқаудың «Телевизияның дамуына қосқан үлесі үшін» аталымы жеңімпазын жария етуге шыққан танымал тележурналист Нұртілеу Иманғалиұлы.


Сонымен қатар ол Қазақ телевидениесінің 60 жылдық тарихы бар екендігін бірақ, ол тек ұлттық арнаның ғана 60 жылдығы еместігін баса айтты.


«Меніңше, бұл қазақстандық арналардың, қазақ телевизиясының 60 жылдығы. Демек, 60 жылда жасаған үлкен мектеп бар. Сол мектепті жасаған тұлғалар бар. Өмірден озып кеткен азаматтар бар. Кеңестік жүйеде екінші ғарышкер Титовтан сұхбат алған Совет Мазғұтов секілді ұстазымызды, кешегі Камал Смайылов ұстазымызды, Сағат Әшімбаевты, Әділбек Тауасаровты, Галина Кузембаеваны, Ыдырыс Қасымовты, Шолпан Баймолдинаны, өмірден озған өзге адамдардың есімін осында атамасақ бізге күнә болады деп ойлаймын. Сондықтан осы мен жаңа ғана атаған адамдармен қатар бүгінде біздің ортамызда жоқ телевидениенің тарихын жасаған, телевизия тұлғаларының мектебін қалыптастырған адамдарды қазір біз бірінші бәйгеде бір минут еске алайық», - деді Иманғалиұлы.


Айта кетерлігі, «Тұмар» бірінші ұлттық телевизиялық байқауының «Телевизияның дамуына қосқан үлесі үшін» аталымының бас жүлдесі телевизия тарланы Сұлтан Оразалыға бұйырды. Жеңімпазға арнайы мүсіншені танымал тележурналист Нұртілеу Иманғалиұлы мен Қазақ ұлттық өнер университетінің ректоры Айман Мұсақожаева табыс етті.


«Осы телевидениеге мен 22 жасымда келген едім. Өмірімнің 20 жылын арнадым. Бірақ, одан кейін басқа қызметтерге кетсем де күні-бүгінге дейін телевидениеден қол үзгенім жоқ. Кеше кешкісін ғана менің телевидениеден сөйлеген сөзімді естідіңіздер. Телевизия деген алды-артыңа қарауға мұрша бермейтін және бір рет ішіне кіргеннен кейін қайта одан қол үзіп кете алмайтын өнер», - деді өз кезегінде аталым жүлдегері Сұлтан Оразалы.


Автор: Марлан Жиембай


www.inform.kz



Көрілген: 543    Пікірлер: 0

жұма, 17.03.2017, 20:31

Достарыңмен бөліс:

СОҢҒЫ ЖАРИЯЛАНЫМДАР:

Көп ашылған Көп пікір жазылған

2018
2008
2009
2010
2011
2012
2013
2014
2015
2016
2017
2018
сәуір
қаңтар
ақпан
наурыз
сәуір
мамыр
маусым
шілде
тамыз
қыркүйек
қазан
қараша
желтоқсан

Алаш Айнасы мұрағаты

Дс Сс Ср Бс Жм Сн Жс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30