«Иасин» сүресі үшін қандай сауаптар жазылады?
«Иасин» сүресі Құранның жүрегі болып табылады әрі көптеген қасиеттерге ие. Кімде-кім бұл сүрені түнде оқыса, таңертең оның күнәлары кешіріліп тұрады. Бұл сүрені оқу - Қасиетті Құранды оқығандай болып табылады.
Нақты «Иасин» сүресі үшін жазылатын сауаптар туралы Алла Елшісінің (с.ғ.с) хадистерін келтірейік:
1. Құранды он рет оқығандай сауап беріледі
«Барлық нәрсенің жүрегі бар, ал Құранның сүресі–«Иасин», кім оны оқыса, Құранды он рет оқығандай сауап алады».
2. Күнәнің кешірілуі
«Кімде-кім «Иасин» сүресін оқыса, оның көп күнәлары кешіріледі».
«Кім «Иасин» сүресін түнде оқыса, таңертең оның күнәлары кешіріледі»
3. Қабірде жатқандардың санындай сауап алу
«Кімде-кім зират басына келіп «Иасин» сүресін оқыса, сол күні қабірде жатқандардың азабы жеңілдетіледі, ал «Иасин» сүресін оқыған адамға, сол зираттарға жерленген адамдардың санындай сауап жазылады».
4. Мәселенің шешілуі, қиындықтың жеңілдетілуі
«Аш адам оқыса, ол тояды. Адасқан болса, жол табады. Егер малын жоғалтқан адам оқыса, малын табады. Тамағы жетпей қалама деп қорқып оқыған адамның тамағы жеткілікті болады. Өлім аузында жатқан адамға оқылса, сол адамның өлім алды азабы жеңілдетіледі. Босану кезінде қиындық көріп жатқан әйелге оқылса, сол әйелдің қиындығы жеңілдетіліп, қиналмай босанады».
