Ислам діні

Жұма сайын жұрттан алғыс алады

  • Жұма сайын жұрттан алғыс алады

    Жұма сайын жұрттан алғыс алады

Ел ішінде Алла разылығы үшін ізгі амал, сауабы мол іс жасап жүрген қа­йырымды адамдар баршылық. Шымкент қаласындағы «Қазығұрт» ықшам ауданының тұрғыны, 43 жастағы Ғабидолла Тұрлиевтің (суретте) отбасын жұрт осындай жандар деп біледі. 


Ғабекең осыдан тура бір жыл бұрын ауласынан монша салған екен. Монша бүгінде жұма күндері түске дейін ақысыз, тегін қызмет көрсетеді. Бұл туралы Ғабекеңнің жұбайы Гүлзирадан сұрағанымызда ол бізге былай деді: 


«Моншаны былтырғы 1-қарашада іске қосқанбыз. Ақысын адам басына 600 теңге деп бекіттік. Алғашқыда осы маңайдағы көрші-қолаң, тамыр-таныстар естіп-біліп, біртіндеп келе бастаған. Ара-арасында жұма намазға баруға ниеттеніп, шайынып шығуды өтінген жастар келіп жүрді. Олар бас-аяғы 10-15 минутқа шайынып шыққандарына 200 теңге ұсынатын. Онысын өзім де алмайтынмын ұялып. Қанағат, ынсап болуы керек қой адамда. 


Содан бірде жұма күні түске дейін моншаға тегін түсуге мүмкіндік беру туралы ойда жүрген ұсынысымды айтып, үйдегілермен ақылдастым. Олар мұны құптап, бір ауыздан қолдады. Сосын қағазға xабарландыру жазып, есікке ілдіртіп қойдым».


Гүлзира осылай дейді. Айтуынша бұл моншаға келушілердің дені ер адамдар екен. Әсіресе жастар көп келеді. Кейде қария­лар арнайы келіп, отағасы Ғабидоллаға алғыс айтып, бата беріп кететін көрінеді. 


«Жұма күні таңғы сағат 10-ның шамасында моншаны жағып қоямын да, өзім жекеменшік дүкенде сауда-саттық жасап отырамын. Моншаға келу­шілерді санап, бет­теріне басқандай болмайын деп, өзім есікті ашып кетіп қаламын», – дейді Гүлзира. 


Сөз арасында Гүлзираның енесінің осыдан екі жыл бұрын дүние салғанын, марқұм­ның жиі шомылып тұруды жаны сүйетін таза адам болғанын естідік. Ол кісі моншаның бітуін асыға күткен екен. 


«Бірде түсіме марқұм енем кіріп: «Баня жағып қой, екі кемпір болып барамыз», – деді. Бәлкім осы бір тылсым түс ой салды ма, жұма күні бір адамға болса да жақсылық жасағым келді», – дейді ол. 


Негізі жақсы нәрсені ойға алып, оны өмірде жүзеге асыра білу де жоғары адамгершіліктің белгісі ғой. Осы орайда шымкенттік Ғабидолла Тұрлиев отбасының мұнысын біз көпке үлгі сауапты іс дер едік. 


Раушан СҮЛЕЙМЕН


www.zamana.kz




Көрілген: 528    Пікірлер: 0

жексенбі, 02.12.2018, 12:39

Достарыңмен бөліс:

  • СОҢҒЫ ЖАРИЯЛАНЫМДАР:
    5 Қаңтар, 20:48
    Құдай бар ма?
    18 Желтоқсан 2018
    Қызбен жүру күнә ма?
    16 Желтоқсан 2018
    Қасиетті Қағбаның тарихы
    15 Желтоқсан 2018
    Нәпсіге ие болу
    14 Желтоқсан 2018
    Төрдегі төрт ана
    10 Желтоқсан 2018
    Ислам түсіністіктің тілі
    6 Желтоқсан 2018
    Ібілістің 3 кеңесі
    2 Желтоқсан 2018
    Ырымға сенуге бола ма?
    2 Желтоқсан 2018
    Арақты қойғызған көрші

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31