Ислам діні

Құрбандыққа шалынған малдың қасында селфи жасауға бола ма?

  • Құрбандыққа шалынған малдың қасында селфи жасауға бола ма?

    Құрбандыққа шалынған малдың қасында селфи жасауға бола ма?

Құрбан шалғанын бәріне жариялап, жар салып, суретке түсетіндер жасаған амалын әшкерелеп қояды. Түптеп келгенде, бұл шариғатқа қайшы әрекет дейді «Нұр Астана» мешітінің бас имамы, Астана қаласының өкіл имамы Асқар Мұқанов.


«21 тамызда иісі мұсылман баласын бауырмалдыққа, татулыққа, мейірімділік пен қамқорлыққа шақыратын Құрбан айт мейрамы басталады. Астанада Құрбан айт намазы таңғы сағат 07:00-де оқылады деген шешім қабылданды. Айта кетерлігі, шариғатымызда күн найза бойы көтерілгеннен ақыл-есі дұрыс, балиғат жасына толған, сапарға шықпаған әрбір мұсылман баласына айт намазын оқу міндетті амалдардың бірі саналады. Ал 20 тамыз – Арапа күні. Намаз уақытылы басталатындықтан ертерек қам жасаған абзал», — деді Құрбан айт мерекесіне қатысты өткен баспасөз мәслихатында Асқар Мұқанов.


Оның айтуынша, ұлық мейрамды бүкіл халық болып мерекелеу үшін бірқатар мәдени, рухани және қайырымдылық іс-шаралар ұйымдастырылған, оған Астана әкімдігі қолдау көрсетіпті. Имам мерекеде қайырымды жандардың құрбандығын бұзып алмай, бірден Астана қаласында тұратын тұрмысы нашар көпбалалы отбасылар мен мүгедек жандарға таратып беру қайырымдылық шарасының бір бөлігі екенін атап өтті.


«Мәдени шараларға айт намазынан кейін мешіттердің алдында өтетін қайырымдылық жәрмеңкелер, спорттық шаралар, ақсақалдар мен мешіт жамағатына арнайы жайылған айт дастарқаны жатады», — деп түсіндірді Асқар Әбітайұлы.


Мешіт қызметкерінің мәліметінше, айт күндері қаладағы «Нұр Астана», «Әзірет Сұлтан» және «С.Ғылмани» мешіттерінің ауласына киіз үйлер тігіліп, спорттық-мәдени шаралар ұйымдастырылады. Мереке күндері әрбір шамасы жеткен мұсылман баласы құрбан шалып, Алла алдындағы міндетін өтейді.


«Осы тұста бір айта кететін нәрсе, қазір «селфи» деген шықты. Ол шариғатқа кішкене қайшы. Құрбан шалып жатқанын немесе шалынған малдың басын ұстап суретке түсу – бұл шариғатқа қайшы амал, мұндай әрекетке мұсылман баласы бармауы қажет. Жастар сойылып жатқан малдың жанына барып, ағып жатқан қанды суретке түсіріп, оны әлеуметтік желілерге салып, әдепсіздік танытып жүргенін жылда көріп жүрміз. Бұл – дұрыс емес. Себебі, құрбан шалу – бұл Аллаға жақындау. Пенденің құрбан шалғанын бәріне жариялап, жар салып, суретке түсуі амалын әшкерелеп қойғанмен бірдей болады», — деп түйіндеді имам. 




Көрілген: 705    Пікірлер: 0

жұма, 17.08.2018, 12:20

Достарыңмен бөліс:

  • СОҢҒЫ ЖАРИЯЛАНЫМДАР:
    5 Қазан, 00:45
    Менің әйелім
    18 Қыркүйек, 15:39
    Бұл қалай жұмыс істейді?
    18 Қыркүйек, 12:18
    Алла кешірмейтін күнә
    15 Қыркүйек, 10:24
    Ит сатуға бола ма?
    28 Шілде, 19:12
    Аборттың үкімі

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31