Ислам діні

Мұсылмандар бейті тек бір үлгіде тұрғызылатын болды

  • Мұсылмандар бейті тек бір үлгіде тұрғызылатын болды

    Мұсылмандар бейті тек бір үлгіде тұрғызылатын болды

Шығыс Қазақстан облысында мұсылмандар зираты бір үлгіге келтірілді, деп хабарлайды altaynews.kz.


Өскеменнің іргесіндегі Самсоновка ауылының маңында орналасқан мұсылмандар зираты соңғы жылдардан бері біркелкі етіліп, бірыңғай тәртіппен тұрғызылып келеді.


Бірі бейітті күмбез етіп көтеріп, екіншісі одан асып түсіп, асқақтаған зират салатын қазіргі заманда, облыс орталығындағы мұсылмандар зиратында қолға алынған жаңа жүйе халықтың көкейінде жүрген көп сауалға табылған бір жауап болды. «Біздің облыста әр аудандардың өзінде жерлеу жоралғылары бірдей емес.


Біреулер жердің ыңғайына қарай, енді біреулер құрылыс материалдарының түріне қарай қабірді, бейітті әртүрлі етіп қазып, көтеріп жатады.


Сондықтан, бейіттерді жинауда шариғат талаптарына сай мұсылмандық жоралғылар сақталып, қамтылсын деген шарт ең басты мақсатымыз болды», – дейді Самсоновка ауылының жанындағы бейіттерді ретке келтіріп, жұртқа осы мұсылмандар зираты жабдығының қызметін көрсетіп отырған жеке кәсіпкерліктің иесі Бауыржан Құсайынов.


Бейіттерді бірыңғай етіп тұрғызуға алғашқыда бірді-екілі адам қарсы болғанымен, бірте-бірте жаңа ережеге келісім берген. Бұдан бөлек, жерлеуге әкелінген адамдар тіркеліп, олардың қандай аурудан, неден көз жұмғаны көрсетіліп отырады. Тіркеу журналында қай қатарда, қандай нөмірге қойылғаны да қоса жазылып тұрады.


Сондай-ақ, Самсоновкадағы мұсылмандар бейітінде қоғам қайраткерлері мен танымал тұлғалар жерленетін «Құрметті азаматтар аллеясын» жасау көзделген. Бошай ата, Асылбек Сәбеков, Қанипа Бітібаева сынды ел құрметіне бөленіп, еңбегі сіңген жандар дамылдап жатқан бейіттер қазір мұнда бір бөлек, оқшау тұр.


Қатары көбейіп келе жатқан ондағы зираттардың көпшілігі граниттен тұрғызылуда. Қалалық әкімдіктен, мекемелерден тыл еңбеккерлерін, Ұлы Отан соғысы, Ауған соғысы ардагерлерін де осы жерге жерлеуге өтініштер келіп түсіп жатады екен.


Самсоновкадағы зиратқа айына – 25-30, жылына 300-ге жуық адам жер қойнына тапсырылады. Анықталғандай, біркелкі етіп жиналып жатқан бейіттерді көтеруге 178 -225 мың теңге көлемінде қаржы кетеді. Белгі тасы, басында айы, төрт жағында шарлары бар бірыңғай үлгідегі бейіттерді салуға, материалдарына 225 мың теңге жұмсалады.


Есік және басқа да қосымша сәулеттік нышандар қойғысы келгендер үстінен тағы ақша төлейді. Бауыржан Құсайынов атап көрсеткендей, «Жер қатынастары туралы» Қазақстан Заңының 139-бабында өмірден қайтқан Қазақстан азаматына 6 шаршы метр тегін жер берілетіндігі жазылған. Яғни қаза болған адамдарға жер тегін беріледі.


Ал жердің сатылып жатқандығы туралы әңгімелер қауесет болып табылады. 15 гектар жердегі Самсоновка маңындағы мұсылман зиратының аумағы 20 жылға дейін пайдалануға жетеді екен. Кейін оның жанындағы бос тұрған 35 гектар жер де зират мақсатында пайдалануға қосылып берілуі мүмкін. 




Көрілген: 741    Пікірлер: 0
Пікір қалдырыңыз

сәрсенбі, 29.11.2017, 16:19

Достарыңмен бөліс:

  • СОҢҒЫ ЖАРИЯЛАНЫМДАР:
    3 Қаңтар, 12:52
    Боза ішу харам ба?
    29 Желтоқсан 2017
    "Харам" дүкені ашылды
    26 Желтоқсан 2017
    Қыздың орны – төр
    24 Желтоқсан 2017
    Шайтан айтқан шындықтар
    21 Желтоқсан 2017
    Тағдыр жазылып қойған ба?
    17 Желтоқсан 2017
    Иман күшейтудің 8 тәсілі
    17 Желтоқсан 2017
    Сириядағы жетімдік
    15 Желтоқсан 2017
    Иман күшейтудің 8 тәсілі
    13 Желтоқсан 2017
    Қиямет-қайым болғанда...

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31