Ислам діні

Сынық ыдыспен ас ішуге байланысты шариғатта не делінген?

  • © islam.kz

    © islam.kz

Сахих Хадистерге қарағанда Пайғамбарымыздың (с.а.у) сынық ыдыстан ас ішкендігі айтылады. Сахаба Әнәс ибн Мәликтен жеткен риуаятта, Алла елшісіне жұбайларының бірі ағаш ыдыспен ас беріп жібереді. Ыдыс асты алып келген қызметшінің қолынан түсіп кетіп, екіге бөлініп қалады. Сонда пайғамбарымыз ыдыстың екі бөлігін біріктіріп, ішіне асты салады да: «Жеңдер» деп айтады. Қасындағылар жейді. Одан соң иесіне сынық ыдыстың орнына бүтінін беріп жібереді[1].


Осы хадиске қарағанда сынық ыдыстан тамақ жеудің ағаттығы жоқ.


Бұнымен қатар, шеті ұшқан кесенің жырық жерінен сусын ішуден тыйған хадис те бар. Сахаба Әбу Саъид әл-Худриден (р.а.) жеткен бұл хадисте былай делінеді: «Алла елшісі кесенің жырық жерінен ішуден әрі ішетін нәрсесіне үрлеуден тыйды»[2].


Өйткені, кесенің ойық жері дұрыс жуылмай, сол жерінде шоғырланған түрлі микробтар ішкен адамның асқазанына түсуі мүмкін. Сондай-ақ, сынған шеті ерінді жырып кетуі де ғажап емес. Міне осы сияқты келеңсіздіктер себепті Алла елшісі тыйған болса керек.


Ендігі жерде, бірінші хадис тамақ жеуге қатысты айтылып отыр. Сынық табақтан тамақ жеген адам қасықпен немесе қолмен алып жейді. Тікелей сынық жерін аузына апармайды. Сол себепті, алғашқы хадисте Пайғамбарымыз рұқсат еткен.


Екінші хадис болса, сусын ішуге қатысты. Сусын ішкенде көбіне ыдысты тікелей ауызға апарып ішіп жатамыз. Сондықтан да, Алла елшісі кесенің жырық жерінен ішуді тыйып отыр. Әйтсе де, жырық емес шетінен ішудің ағаттығы болмас.


Тоқ етерін айтқанда: шариғатта сынық ыдыспен ас ішудің күнәсі жоқ. Дегенмен, бүтін ыдысты пайдаланған абзал. Әсіресе, келген қонақтарға, үлкен кісілерге асты сынбаған табаққа салып, сусынды шеті ұшпаған кесеге құйып берген жақсы.


[1] Сахих Бухари. Фатхуль Бари - №2349 хадис; Ахмад ибн Ханбәл: Мүснәд; Имам Тирмизи: Сүнән.

[2] Әбу Дәуід: Сүнән - №3722 хадис.; Бұл хадисті «әлсіз» дегендер болса да, Ибн Хаббан сахих деген. Имам Суюти «хасан» деп баға берген.


Абдусамат Қасым 


islam.kz




Көрілген: 3060    Пікірлер: 0

дүйсенбі, 08.01.2018, 13:39

Достарыңмен бөліс:

  • СОҢҒЫ ЖАРИЯЛАНЫМДАР:
    5 Қазан, 00:45
    Менің әйелім
    18 Қыркүйек, 15:39
    Бұл қалай жұмыс істейді?
    18 Қыркүйек, 12:18
    Алла кешірмейтін күнә
    15 Қыркүйек, 10:24
    Ит сатуға бола ма?
    28 Шілде, 19:12
    Аборттың үкімі

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31