Нарық

2019 жылы Қазақстанда айыппұл мөлшері 5 %-ға артады

  • © pravila.kz

    © pravila.kz

Көлік салығы да көбеймек. АЕК мөлшері өзгергендіктен көлік иелерінің де біраз ақшадан қағылуына тура келеді. 2019 жылдың 1 қаңтарынан бастап көптеген төлемдермен тығыз байланысты айлық есептік көрсеткіш көлемі 120 теңгеге артып, 2 405 теңгенің орнына 2 525 теңге болды, яғни 5 пайызға жоғарылады.


Сәйкесінше, автокөлік иелерінің түрлі жағдайларға қатысты жасайтын төлемдерінің де көлемі артты, деп хабарлайды колеса.кз.


Мысалы, жылдамдықты сағатына оннан жиырма шақырымға дейін арттырғандар 12 025 теңге айыппұл төлеп келген еді, ал енді 1 қаңтардан бастап оның көлемі 12 625 теңгеге тең болмақ. Тротуарда, гүлзарда, көгалда не балалар ойнайтын алаңдар мен спорт алаңдарында тоқтап тұрғандар бұдан былай 24 050 теңгенің орнына 25 250 теңге (10 АЕК) төлейтін болады. 2019 жылғы айыппұлдар кестесімен мына сілтемені басу арқылы таныса аласыздар.


Осы орайда, Kolesa.kz бұрында хабарлағандай, Әкімшілік кодекстің кейбір баптарындағы ереже бұзғаны үшін көлік басқару құқығынан айыратын жаза түрі айыппұл салумен ауыстырылуы мүмкін, бірақ құжатқа енуі мүмкін бұл өзгерістерді депутаттар әлі де қарастыруда.


Сонымен қатар, Көлік салығы да артты. Мысалы, 2018 жылы ел қазынасына 2 АЕК, яғни 4 810 теңге құйған шағын литражды (қозғалтқыш көлемі 1 100-ден 1 500 текше см-ге дейін) көлік иелері 2019 жылдан бастап 5 050 теңге төлемек. 3 АЕК, яғни 7 215 теңге төлеп келгендер енді 7 575 көлемінде ақша жұмсайды, ал көлемі зор темір тұлпарлардың қожайындары 281 385 (117 АЕК ) теңгенің орнына, 2019 жылы 295 425 теңге көлеміндегі қаржысынан қағылады.


otyrar.kz


 




Көрілген: 391    Пікірлер: 0

сәрсенбі, 02.01.2019, 17:34

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31