Нарық

Дүкен сөрелерінен денсаулыққа қауіпті шұжықтар анықталды- комитет

  • © ҚазАқпарат

    © ҚазАқпарат

ҚР Денсаулық сақтау министрлігі Қоғамдық денсаулық сақтау комитеті еліміздегі сауда нысандарында техникалық талаптарға сай келмейтін шұжық өнімдерін анықтап жатыр, деп хабарлайды ҚазАқпарат тілшісі.


«Еліміздегі тамақ өнімдерінің қауіпсіздігін бақылау аясында шұжық өнімдерінің 1241 сынамасына сараптама жүргізілді, оның ішінде 285 шұжық өнімі техникалық регламент талаптарына сай келмеді», - делінген Қоғамдық денсаулық сақтау комитетінің баспасөз қызметі жіберген хабарламада.


Комитеттің хабарлауынша, «Тағамдық қоспалардың, хош иістендіргіштердің және технологиялық қосымша заттардың қауіпсіздік талаптары» техникалық регламенті талаптарына сәйкес шұжық өніміндегі натрий нитраты 50 мг/кг аспауы тиіс.


Ал, Петропавл қаласының «Северный» супермаркетінде ресейлік «Стародворские колбасы» ЖАҚ «Докторская» шұжығынан (өндірілген күні - 2018 жылғы 14 маусым) 66,6 мг/кг натрий нитриті табылған.


Қызылжар ауданының Тепличное ауылындағы «Уют» дүкенінде «Омский бекон» АҚ «ПОПУЛЯРНАЯ» пісірілген шұжығында (өндірілген күні - 2018 жылғы 31 мамыр) 60,6 мг/кг натрий нитриті анықталған.


Сондай-ақ, Жамбыл ауданының Пресновка селосындағы «Сова» дүкенінде «Омский бекон» АҚ өндірген «Бутербродная» пісірілген шұжығы (өндірілген күні - 2018 жылғы 11 маусым, натрий нитритінің құрамы - 109,8 мг/кг), «Походная» жартылай сүрленген шұжығы (өндірілген күні - 2018 жылғы 15 маусым, натрий нитритінің құрамы - 72 мг/кг) талаптарға сай келмеген.


Жоғарыда аталған тәртіп бұзушылықтардан басқа, «Омский бекон» АҚ «Южная», «Сельская» және Заречная шұжықтарынан левомицетиннің артық мөлшері анықталған. «Тамақ өнімдерінің қауіпсіздік талаптары» техникалық регламент талаптарына сәйкес, шұжық өнімдеріндегі левомицетиннің деңгейі 0,01 мг/кг аспауы тиіс.


«Құрамындағы натрий нитриттері мен антибиотиктері, яғни левомицині жоғары тамақты қолдану кезінде адамның денсаулығының төмендеуі байқалуы мүмкін. Осылайша, нитриттер адамның қанымен араласып, нәтижесінде метемоглобин деп аталатын зат пайда болып, оттегінің алмасуына кедергі келтіреді, ол оттегінің жетіспеушілігіне (гипоксия) алып келеді. Гипоксия адам бойында әлсіздік, өзін нашар сезіну, ұйқышылдық, құсу, жүйке жүйесі, жүрек функциясының, бүйрек пен бауыр тіндерінің бұзылуын тудырады», - делінген Қоғамдық денсаулық сақтау комитетінің баспасөз баянында.


 




Көрілген: 379    Пікірлер: 0

бейсенбі, 19.07.2018, 15:29

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31