Нарық

Елімізде тұрғындар несие рәсімдегені үшін комиссия алған банктермен соттасып жатыр

  • Елімізде тұрғындар несие рәсімдегені үшін комиссия алған банктермен соттасып жатыр

    Елімізде тұрғындар несие рәсімдегені үшін комиссия алған банктермен соттасып жатыр

Мойындарында несиелері бар петропавлдықтар екінші деңгейлі банктерді жаппай сотқа сүйреп жатыр, деп хабарлайды КТК.

Осыдан алты жыл бұрын Ұлттық банк қаржы мекемелеріне несие қызметі үшін комиссия алуға тыйым салған екен. Алайда қаржыгерлер оның атын өзгертіп, жұртқа берілетін ақшаның пайызын заңсыз ұстап қалып отырған. Солтүстік Қазақстанда сот алғаш рет тұтынушыны алдаған банкті жауапқа тартты.


Сот отырысына қорғаушысын жіберген бойжеткен 3 жыл бұрын банктен 1 миллион 600 мың теңгені екі жылға рәсімдеген екен. Алайда келісім шартты дұрыс оқымаған ол ай сайын 9 мың теңгедей банкке артық төлеп келгенін білмеген. Білікті қорғаушы жалдаған қыз енді қаржыгерлерден 200 мың теңгеден артық ақшасын қайтарып алатын болды. 2012 жылы Ұлттық банк екінші деңгейлі қаржы мекемелерін «несие шотын жүргізгені үшін» халықтан комиссия алуға тыйым салған екен.


Алайда әккі банкирлер бұл қызметтің атын «несиеге қызмет көрсеткені үшін » деп өзгертіп, жұрттың қалтасын қағуын тоқтатпаған. Петропавл қалалық соты бүгін алғаш рет банкті осы ақшаны қайтарып беруге міндеттеді. Банкирлер ай сайын тұтынушыдан ақшаны нақты қандай қызмет үшін алғанын дәлелдей алмаған. Заңгерлер бұл енді қозғалған сеңнің басы ғана деп отыр. Қазірдің өзінде оларға қалалықтардан сотқа осындай шағым түсіру туралы өтініштер қаптап кетіпті.


“Біз екі жыл бойы осындай істер бойынша халықтың мүддесін сотта қорғап жүрміз. Нәтижесінде банктердің жұрттан заңсыз алған 30 миллион теңгедей қаржысын иелеріне қайтарып бердік. Бәрі де осы несие комиссиясына байланысты”, – дейді қорғаушы Рүстем Қаби. 




Көрілген: 1626    Пікірлер: 2

сейсенбі, 13.02.2018, 23:47

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31