Футбол

Хорватия "D" тобында көш басына шықты (видео)

  • © kaz.vesti.kz

    © kaz.vesti.kz

Футболдан Хорватия ұлттық құрамасы Ресейде өтіп жатқан әлем чемпионатының "D" тобында көш басына шықты. Шақпақ жейделі ұжым топтағы алғашқы ойында Нигерия құрамасын ұтты.


Калининградта өткен кездесуде хорваттар 2:0 есебімен басым болды. Еуропалық ұжым жүйелі ойыны, ширақ шабуылы және нәтижелі пастарымен ерекшеленді.


Ойындағы алғашқы гол 32 минутта есепке алынды. Бұрыштамадан асырылған допқа бірінші жеткен Марио Манджукич құлай барып допты қақпаға бағыттаған. Алайда қиыс кетіп бара жатқан доп жартылай қорғаушы Огонекаро Этебоның аяғына тиіп, қақпа торынан бір-ақ табылды. Автогол!



Хорваттар ойындағы екінші голды 72 минутта соқты. Бұл жолы да бұрыштамадан асырылған допқа Манджукич бірінші жетуге тырысқан. Қорғаушы Уильям Трост-Эконг шабуылшыны қапсыра құшақтап, адым аштырмады. Мұны байқаған бас төреші Сандро Риччи пенальти белгіледі. Лука Модрич 11 метрлік айып соққысынан мүлт кеткен жоқ.



Айта кетейік, бұл топтағы Аргентина мен Исландия құрамалары арасындағы кездесу 1:1 есебімен аяқталған болатын. 3 ұпай алған Хорватия көш басына шықты.


 kaz.vesti.kz




Көрілген: 279    Пікірлер: 0

жексенбі, 17.06.2018, 11:53

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30