Сен тұр - мен айтайын!

Менің стратегиялық бағдарламам

  • Менің стратегиялық бағдарламам

    Менің стратегиялық бағдарламам

Мен шағын ғана мемлекеттің Президентімін. Басты мақсатым – сол мемлекетімді көркейту, халқымды білімді ету, жұмыссыз қалдырмау, қысқасы, кем қылмау. Одан соңғы міндет халқымның санын көбейту, біртіндеп жер көлемін ұлғайта түсу. Және бұл солай болады да.

Мен басқарған халық демократиялық жағдайда өмір сүреді. Бірақ дәл қазір менің халқыма демократияның қажеті жоқ. Халқым тым жас. Халқым деп отырғаным – әйелім мен екі балам. Біреуі 1-сыныпта, екіншісі 3 жасқа енді толады. Сол себепті оларға демократиядан гөрі бір тостақ көже артық. Алайда демократияның дәнін миларына жайлап сіңіре беру керек деп есептеймін. Ал әйел болса, демократиядан гөрі өсекке бір табан жуық.

Сондықтан шағын мемлекеттің тізгіні өз қолымда. Негізгі мәселелер, Президенттің, яғни менің жеке қалауыммен шешіледі. Түпкі ойым – ғылым мен техниканы меңгерген, жан-жағына ықпал ете алатын күшті мемлекет орнату.

Мұның бәрін мен халқым пырдай болып ұйықтап жатқан шақта елеп-екшеймін, бағдарлама түземін. Айтпақшы, «Біз – 2010» деген страгетиялық бағдарламам бар. Онда мемлекетімнің негізгі даму бағыты сөз болады. Бірақ халқым оған сене қоймайды. Әйел айтады: «ой, ол кезде мен 40-қа келемін ғой» деп. Біріншіде оқып жүрген қызым болса, 2010 жылы бойжетеді. Ұлым ер жетеді. Ол екеуі 2010 жылға қалай, қандай жағдайда жетеді? Бағдарламаның бір тарауы соған арналған. Әйел «мұның жолдау емес, алдау» десе, дей берсін.

Бағдарламамды жүзеге асыру үшін әрекетті бүгіннен бастау керегін жақсы білемін. Сондықтан қазіргі қаржы тапшылығын ескеріп, биылғы мардымсыз мемлекеттік бюджеттің отбасы, яғни шағын мемлекетімнің экономикасына әсерін жұмсарту мақсатында мынадай бірқатар шаралар жасадым.

Олар:

1. Қымбат жиһаздар және пайдасыз әшекей заттарды сатып алмау.

2. Туған күндерді тек таза ауа жұту үшін табиғат аясында серуендеумен алмастыру.

3. Телефон арқылы қалааралық байланысқа мүмкіндігінше аз шығу. Шыға қалған күнде әңгімені 3 минутта бітіру.

4. Қонақтарды арақ-шарапсыз аттандыру.

5. Модадан бас тарта тұру.

6. Т.б.

Осындай шаралар арқасында жүздеген мың теңге үнемделеді екен. Бұл жұрттың қолы жетпей жүрген 400 доллар шағын несиеден әлдеқайда көп. Егер осы шаралар іске асса (ол жүзеге асады), келер жылы шағын несиеге 400 доллар берші деп алақан жаймаймын.

Тығырықтан шығуға халқымның жастығы мен санының кемдігі емес, менің басымның істеп тұрғаны маңызды.


***


Бұл да «Ана тілі» газетіне (3.6.1999 ж. №22) Жорабек Тойқожа атты кластасымның атымен жаза салған шағын мақалам. Көп қағаздың ішінен табылды.


‎Нұрлыбек Саматұлы‎

Фейсбуктегі парақшасынан




Көрілген: 386    Пікірлер: 0

бейсенбі, 08.11.2018, 12:34

Достарыңмен бөліс:

  • СОҢҒЫ ЖАРИЯЛАНЫМДАР:
    17 Қараша, 18:16
    Хиджап туралы нүкте
    11 Қараша, 19:42
    Несіне жылайсыздар?
    28 Қазан, 19:35
    VIP-АЖАЛ

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30