Сен тұр - мен айтайын!

Оқыңыз, әкімді аямай сынадым ...

  • Оқыңыз, әкімді аямай сынадым ...

    Оқыңыз, әкімді аямай сынадым ...

ӘКІМ СЫНАУ...


Жақсы танитын бір ағам телефон шалды. Өзі ептеп аңқаулау кісі еді. Хал-жағдай сұрады. Өз жағдайын айтты. Сосын саясаттан біраз әңгіме жіберді...

-- Айтпақшы, бүгінгі «Жас Алашты» көрдіңіз бе? – дедім әңгіме арасында.

-- Көрдім... Екі мақалаң шығыпты. Біреуі мұғалімдер туралы, сосын екіншісі жер туралы ғой деймін...

-- Ия... Оқыдыңыз ба?

-- Жоқ, оқи алмадым. Тақырыптарын ғана көрдім.

-- Ой, оқуыңыз керек еді. Ішінде әкімді өлтіріп сынағам ғой...

-- Қой, е... Қай мақалада?

-- Мұғалімдер туралы мақалада...

-- Ойбай, оқиыншы қазір...

Он - он бес минөттен кейін қайтадан телефон шалды.

-- Әй, Орал, мына мақалаңның ішінде «әкім» деген сөз жоқ ғой... Қай жерінде сынағансың?

-- Қай мақаланы оқыдыңыз?

-- Мұғалімдер туралы...

-- Қызықсыз ба? Мұғалімдерде неңіз бар? Олар әкімді сынай алмайды ғой. Жер туралы мақаланы оқыңыз, соның ішінде аямай сынағам...

-- Е, бәсе... Мынаның ішінде әкім туралы ештеңе жоқ. Қазір жер туралыны оқиын...

Он - он бес минөттен кейін қайтадан телефон шалды.

-- Әй, Орал, мынаның ішінде де әкім туралы ештеңе жоқ қой. Сынағансың, бірақ әкім туралы мүлдем жазбағансың...

-- Аға, әзілдеп жатырмын ғой. «Әкімді сынаған жерлерім бар» демесем, мақалаларымды оқитын түріңіз жоқ қой, тегі... «Әкімді сынадым» дегенім әшейін жарнама еді...

-- Әй, қу бала... Ағаңды бір қатырдың. Мейлі, есесіне газетті бастан-аяқ бір оқып алдым.

Екеуміз біраз күліп алдық.

-- Аға, өзіңізбен әзілдеп ойнағаныма айып етпеңіз... Өткендегі мен берген «Ақ самаурын» кітабын оқыған ба едіңіз?

-- Ия, алған кезде бір қарап шыққам... Кейінірек үлкен қызым алып кетті ғой. Әлі әкелген жоқ...

-- Міне, соның ішінде әкімді өлтіріп сынаған болатынмын...

-- Қой, енді...

-- Рас айтамын, аға... Оқып көруіңіз керек еді...

-- Сол кезде айтпадың ба? Қызым алыста тұрады. Енді ол кітапты жақын арада әкелмейді ғой...

-- Қап-ай, ә... Оқуыңыз керек еді...

Сонымен қош айтысып, тарқадық. Бір сағатқа жетер-жетпесте ағам қайтадан телефон шалды.

-- Әй, Орал, балаларды жіберіп кітапты алдырдым. Әкімді сынаған жерің қай бетте еді? – дейді.

Адам деген бірнәрсеге қатты қызықса қиын екен ғой. Не айтарымды білмей қалдым.


Оралхан Дәуіт

Фейсбуктегі парақшасынан




Көрілген: 1354    Пікірлер: 1

жұма, 23.02.2018, 11:25

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30