Үйленіп, тұрмыс құрған рахат қой
Үйленіп, тұрмыс құрған рахат қой. Тапқаныңды үйіңе тасисың. Бойдақ кезде ақша түссе кафе, ресторан, туылған күн, темекі араққа құртсаң, үйленген соң бір тиын шығын шығармауға тырысасың. Тіпті жолдан ине тауып алсаң да, ары аударып, бері аударып қарап. Сабақтаулы жібімен түспеген екен ау деп қалтаңа сүңгітесің. Қыздар да солай. Бойдақ кезде памада, туш. Лак, макияж, причёска деп ақшаны судай шашады. Аптасына алты рет сұлулық салоны. Дискотека. Түске дейін үш көйлек, түстен кейін төрт көйлек ауыстырып шығынға батады. Тұрмысқа шықты рахаат. Ақша, ас су, киім кешек, жүріп тұру ақысын қамтамасыз ететін адамы бар. Жатады патша болып үйінде. Жатпағаны жұмыс істейді. Мейрам сайын құшақ құшақ гүл. Сыйлық. Жәй күндері де енелерінен тығып гүл алады. Екеуі ғана білетін құпия нәрселер болады арасында. Еркектерді айтсайшы бәрінен де. Солардікі рахат. Шәугім шәугім шәй. Ыстық тамақ. Менюді оқисың бітті. Мұрның терлеп отырып тамактанасың. Счёт пәлен тенге болды дейтін офицант жоқ. Қазанның түбін қырып жеп кетсең де ешкім ештеме демейді. Ой маладес арыстаным!!!! Көп жеп, көп дем ал. Жұмыс қашпайды. Өзіңді күт дейд. Ондай офицант көргенсіңдер ме? Көрмегенсіңдер. Так что ертерек жұп жұптарыңды тауып отау тігіңдер. Мен ұқсап ешкім акыл айтпайды сендерге. Ұрады соғады деген бекер әңгіме. Ол редко болатын случай. И то жаман адамға жолығып қалсаңдар. Үй болған соң ыдыс аяқ сыңғырлап тұрады деген. Сыңғырласа сыңғырлай берсін. Сақырлап кетпесе болды ғой.
Мухит Тастан
Фейсбуктегі парақшасынан
