Мистика. Қиял-ғажайып. Түс жору

Ат жалын өрген шайтанның қызы

  • © faithofavampire.wordpress.com

    © faithofavampire.wordpress.com

Жолын қайта-қайта кескестеп қоймаған басын қара бүркеншікпен ораған әйелге атты жігіт қамшысын білеп қатты-қатты зекіп жіберді.


– Жоғал! Әрмен... албастыдай кісінің жолын кеспей...


– Жоқ, мен албасты емеспін...


– Онда несің?


– Ақсайтанмын.


– Не, сайтанның да ақ, қарасы бола ма... сөзіңе болайын.. кет ары. Кімді алдамақсың?!


– Не? Сенбейсің бе? Онда қара бері! – деп басындағы бүркеншікті жұлып алды.


Бас жоқ тек екі көз ғана ауада қалықтап тұр.


– Енді сенген шығарсың!


Жүрегі тас төбесіне шыққан жігіттің қолынан тізгін сусып кетті. Қалш-қалш етіп жерге қан сиіп жіберген атты ақсайтан жетелей жөнелді.


Жігіт бетіне бүріккен суық судан тітіркеніп есін жиды. Алдында айдай көрікті ару отыр. Тек иегі жоқ. Орнынан сүйретіліп әзер тұрған жігіт:


– Мен қайдамын? – деп сұрады.


– Сен мендесің.


– Қалай?...


– Мен саған ғашықпын.


– Сен кімсің?


– Мана айтқам.


– Шынымен сайтансың ба?


– Сенбейсің бе? Онда тағы көр.


Қыз әп-сәтте қызыл түлкі болып құйрығын бұлғаңдатты да бір шөкім буға айналып жоқ болып кетті.


Есінен қайта адаса жаздаған жігіт үңгірдің аузына қарай жүгіріп еді, ғайыптан бір дәу тас үңгірдің аузын бітеді де қалды.


–Еш уақытта қашам деп ойлаушы болма!


– Неге?


– Мен саған тием.


– Ал, мен қосылмаймын.


– Жоқ, өзің мақұлдағансың.


– Қашан?


– Бүгін таңертең.


– Өтірік, мен таңертең сені көргем жоқ.


– Иә, мен көрінгем жоқ.


– Сонда қалай? Түсіндірші?!..


– Мен сені баяғыдан ұнататынмын. Саған білдірудің ретін таппай көп жүрдім. Сосын кеше кеште саған келіп едім, ұйықтап қапсың. Арқандаулы тұрған атыңа барып жал құйрығын өріп кеттім. Бұл біздің белгіміз. Тарқатып тастар деп қорықтым... бірақ сен тарқатқан жоқсың... сенің маған берген мақұлдауың осы.


Сонда барып атының жал-құйрығының өрулі тұрғаны жігіттің есіне түсті. Елемегеніне өкінді. Амалын тауып тарқатпақ болды.


– Атым қайда?


– Қазір әкелем.


Үңгірге қара тер болған атты кіргізген қыз:


– Қазір мен тойлық көйлегімді киіп келем, – деп шыға жөнелді.


Қыз кете жігіт аттың жалына жармасты. Тарқатып жатыр, тарқатып жатыр. Құйрықтағы соңғы өрімді тарқатып бола бергенде аппақ көйлек киген қыз жетіп келді. Жетіп келді де:


– Тарқатпашы жаным... мен сенсіз ғұмыр кешкім келмейді, – деп аттың жалын қайта өре бастады.




vk.com


 




Көрілген: 1467    Пікірлер: 3
Пікірлерді оқу (3) preloader

бейсенбі, 28.12.2017, 10:42

Достарыңмен бөліс:

  • СОҢҒЫ ЖАРИЯЛАНЫМДАР:
    21 Қаңтар, 18:50
    Түс көру психологиясы
    16 Қаңтар, 11:43
    Ескексіз қайық...
    21 Желтоқсан 2017
    Құбыжық туған қыз...
    13 Желтоқсан 2017
    Ішіне жын кірген Манас
    12 Желтоқсан 2017
    Өң мен түстің арасы
    8 Желтоқсан 2017
    Бұл адам ба мақұлық па?
    6 Желтоқсан 2017
    66-шы үйдің құпиясы
    2 Желтоқсан 2017
    Түс туралы не білеміз?
    23 Қараша 2017
    ДОМОВОЙ
    18 Қараша 2017
    КІСІКИІК
    9 Қараша 2017
    Түннің құпиясы

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31