Мистика. Қиял-ғажайып. Түс жору

Жерді терең тескен бұрғылаушылар тозаққа тап болған деседі...

  • © androidmafia.ru

    © androidmafia.ru

Өткен ғасырдың 80 жылдары жерді 12 шақырым тереңдікке дейін бұрғылаған КСРО геологтары тозақтың тура үстінен түскен көрінеді. Тіпті кеңестік бұрғышылар скважинаға микрофон байлап түсіріп, тозақ отында жанған миллиондаған күнәһар пенделердің қорқынышты дауыстарын жазып алған екен.


Бұл туралы КСРО ғалымы Аззаков өз естелігінде «Мен коммунист болғандықтан Библияға сенбеймін, бірақ оқымысты ғалым ретінде енді тозақтың бар екеніне шүбәм жоқ. Мен өз көзіммен көріп, өз құлағыммен есітігенімді айтып отырмын. Бұрғылау кезінде тозаққа тап болғанымызға нық сенімдімін» деп жазып қалдырған екен. Бұл оқиға жайлы 1989 жылы Финляндияда шығатын газеттердің бірінде мақала жазылған деседі. Басылымда жарық көрген мақалада атор «КСРО геологтары Батыс Сібірде бұрғылау жұмыстарын жүргізу кезінде 14,4 шақырым тереңдікте бос кеңістікке тап болды. Олар мұндай тереңдікте бос кеңістік болады деп ойламаған. Арнайы кранмен 70 сағат ішінде ұңғымадан бұрғыны суырғанда, онымен бірге тістері ақсиған, тырнақтары ұзын, көзі шақырайған мақұлық ере шығып, көзді ашып-жұмғанша ғайып болады. Мұны көрген жұмысшылар зәресі ұшып, жан-жаққа қашқан» деп жазған.


Бұрғышылар бұл жағдайды одан әрі тереңірек зерттемек болып, литосферлі плиталардың қозғалысын жазып алуға арналған микрофонды скважинаға түсіргенде жаны қиналып, шыңғырған адамдардың дауыстарын естиді. «Біз алғашында ол дауыс бұрғылау қондырғысынан шығып жатқан болар деп ойлағанбыз. Бірақ тыңғылықты тексергенімізде, адамдардың дауысы екеніне көз жеткіздік. Бұл бір ғана адамның дауысы емес, жүздеген адамның шыңғырған үні. Бақытымызға орай, біз бұл қорқынышты дауысты магнитофон лентасына жазып алдық» дейді өз естелігінде кеңестік ғалым Аззаков.


Финляндияданың баспасөзінде жарық көрген бұл мақаланы Кеңес Үкіметінің көптеген газеті басқын. Бұл мәселеге қатысты Америка телеарналары мен өзге де шетелдік ақпарат құралдары «орыстар тозақтан малғұнды босатып жіберді» деп шуласқан. Басылымдардың бірінде бұрғылаушылардың арасында шетелдік мамандардың да болғаны айтылады.


Сол кезде бұл оқиға ресейліктерді біраз дүрліктірген. Бұл оқиғаның жан-жаққа тарап кетуін қаламаған Ресей басшылығы шетелдік мамандарды не істеу керектігін білмей дал болады. Ақыр аяғында оларды елден шығарып жіберу туралы шешім қабылдаған.


«Егер бұл оқиға Брежневтің кезінде болғанда, бізді өлтіртетініне ешқандай күмәніміз жоқ. Не болмаса бізді өмір бойы түрмеге қамар еді. Біздің бәрімізді екі күннен кейін КСРО-дан шығарып жіберді. Орыстар «егер бұл туралы ауыздарыңды ашсаңдар көздеріңді құртамыз» деп қорқытты» дейді БАҚ құралдарына сұхбат берген шетел азаматының бірі.


Базбір деректерге қарағанда мұндай терең бұрғылау Батыс Сібірде емес, Мурманск облысындағы Кольская ұңғымасында жүргізілген. 1983 жылы бұрғылаушылар 12 шақырым тереңдікке жеткен. Ал 262 метрді жеті жылда әрең дегенде қазыпты. Шетелдік басылымдарда айтылғандай, 14 шақырым емес, бұрғылаушылар 12 262 шақырым тереңдікке жеткен екен. Гиннестің Рекордтар кітабына енген осы ұңғыма «тозаққа апаратын жол» деп атанып кеткен. Себебі әрбір бұрғыланған жаңа шақырым кезінде КСРО-да бақытсыздық болып отырған. Оның үстіне бұрғылау жұмыстары кезінде түсініксіз апаттар көбейіп, беймәлім күштер бұрғылау жұмыстарына кедергі келтіріп отырыпты. Бұрғышылар тура 13 мың шақырым тереңдікке жеткенде КСРО тарқаған. Сөйтіп, қаржы жетіспеушілігіне байланысты бұрғылау жұмыстары біржола тоқтатылған екен.


Алайда, көптеген халықаралық қорлар бұл жобаға қаржы салуға дайын екендіктерін мәлімдеген. Десе де 200 градус ыстық температурада микрофонға шыңғырған адамдардың дауысы жазылып қалған әлгі тылсым құбылыстан тайсалды ма екен ресейлік ғалымдар мен бұрғылаушылар ол жерде жұмысты жалғастырудан бас тартқан.


Ал жұмыс біржола тоқтаған соң академик Давид Губерман жер астынан жазылып алынған дауыс туралы ғылыми конгресте өзіне қойылған сұраққа «жер асты әлемінің құпиясы бізге әлі беймәлім» деп жауап берген.


Автор: Қалдар Көмекбаев

alashainasy.kz 




Көрілген: 3480    Пікірлер: 1
Пікірлерді оқу (1) preloader

бейсенбі, 28.09.2017, 10:32

Достарыңмен бөліс:

СОҢҒЫ ЖАРИЯЛАНЫМДАР:
18 Қараша, 16:43
КІСІКИІК
9 Қараша, 10:06
Түннің құпиясы
29 Қыркүйек, 11:03
Түс жору
26 Қыркүйек, 10:34
Мәңгілік өмір мекені
15 Тамыз, 10:05
Малғұндар мекені

Көп ашылған Көп пікір жазылған

2017
2008
2009
2010
2011
2012
2013
2014
2015
2016
2017
қараша
қаңтар
ақпан
наурыз
сәуір
мамыр
маусым
шілде
тамыз
қыркүйек
қазан
қараша
желтоқсан

Алаш Айнасы мұрағаты

Дс Сс Ср Бс Жм Сн Жс
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30