Мистика. Қиял-ғажайып. Түс жору

"Өлім жолы"

  • © el.kz

    © el.kz

Кез-келген автокөлік жүруге қиналатын әлемдегі ең қауіпті жол - Боливиядағы Юнгас елдімекенінде тіркелген. Жергілікті тұрғындар бұл жерді – «Өлім жолы» деп атап кеткен.


Қорқыныш тудыратын бұл жол - 70 км бойына созылып жатқан Ла-Пас пен Коройко аймағын байланыстырады екен. Қауіпті делінуінің себебі, мұнда жыл сайын орта есеппен 25 көлік аударылып, 100-200 адам қаза табатын көрінеді. Соған қарағанда жол апаты әр екі апта сайын болады. Жолдың өзіндік биіктігі – 3,6 мың метрді құрайды екен. Өте ыңғайсыз және топырақ ылғалдануының себебібен – тайғақ. Таудың баурайында орналасқан аталмыш жолға тек бір ғана көлік сыяды. Сол себепті, екі жақтан келетін автөкөлік жүргізушілеріне біршама қиындық туғызады. Төмен қарай бағыттап келе жатқан жүргізуші мұндай жағдайда жоғары қарай жүріп келе жатқан жүргізушіні ішімен өткізіп, өзі сырт жағымен өтуі міндетті болып саналады. Жергілікті жол ережесінің тәртібі солай. Жолдың көлемі өте тар болғандықтан кейбір жерлерінде жүк көліктері сыймай түзге қарай құлап кететін жағдайлар жиі кездеседі. Апатты оқиғалардың негізгі пайызын дәл осындай үлкен көлемдегі жүк көлік және автобус иелері құрайды.


Өте қауіпті жолдарды былай қойғанда, бұл жердің ауа-райы да тосын сый жасай білетін көрінеді. Апатты жағдайлардың біршама бөлігі осы себептен де орын алып жатады. Температура көрсеткіші әдетте 6 – 11 градусты көрсетеді. Сондықтан жол тайғақ болып келеді. Асфальт көлемі тек бастапқы 20 км ғана төселген. Ал қалған бөлігінде ылғалды топырақ пен тасты жолдар. Көп жағдайларды жол бойын тұман басып, келе жатқан жүргізушілерге қиындық туғызатын жағдайлар да жиі кездеседі. Бұндай кезде аса сақтықпен ақырын ғана жүру қажет.


Өте қорқынышты атауды бұл аумақ 1999 жылы орын алған қайғылы оқиғадан кейін алған. Израильден келген 8 турист мінген жеңіл автөкөлік әлгі тар жолдан өте алмай төменге қарай ауып кеткен. Дегенмен, ең қорқынышты апатты оқиға 1983 жылы 24 шілдеде орын алған. Каоньон жүзден аса жолаушысы бар автобусты жұтып қойған деседі. Бұл жағдай – Болвиядағы ең ірі әрі қайғылы жол апаты ретінде есептеледі.


«Өлім жолы» туристер арасында танымал болғаны соншалық, адамдар адреналинді сезіну үшін қуана-қуана көліктерімен және велосипедтерімен төмен қарай тұсуді жөн санайды екен. Бірақ, өкінішке орай көпшілігінің жеңіл оймен келген жоспарлары қайғылы жағдайлармен аяқталып жатады. Ал жергілікті тұрғындар Құдайдан дұға етіп күндегі жолымен жол жүре беруді әдетке айналдырыпты.


Десекте, 70 км-ге созылып жатқан осынау қорқынышты жолды да қауіптілігі жағынан ысырып тастай алатын жер бар көрінеді. Ол - Бангладештегі «Өлім жолы». Егер де расында Боливия жолынан асып түсетін жолдың бары дәлелденсе, ондай жерді «жол» деп емес, қысқаша ғана «өлім» деп атау жөн болар.




el.kz 




Көрілген: 1387    Пікірлер: 0

сенбі, 20.10.2018, 11:04

Достарыңмен бөліс:

  • СОҢҒЫ ЖАРИЯЛАНЫМДАР:
    11 Қаңтар, 14:04
    Мүйізді әжей
    21 Желтоқсан 2018
    Жұматай әулиенің жұмбағы
    19 Желтоқсан 2018
    Әулие қыз
    11 Желтоқсан 2018
    Әуеде құстай ұшқан ат
    3 Желтоқсан 2018
    Сайтан қабір
    29 Қараша 2018
    Жұмбақ ауыл
    20 Қараша 2018
    Ай тұтылған түні
    19 Қараша 2018
    Тарғыл мысық
    15 Қараша 2018
    Үш жасар көріпкел
    14 Қараша 2018
    Есік қаққан елес
    4 Қараша 2018
    Елес қыз
    4 Қараша 2018
    Өмір деген түс
    20 Қазан 2018
    "Өлім жолы"

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31