Әлемде қанша мұсылман бар?
-Соңғы жылдары әлемде, әсіресе Еуропада мұсылмандардың саны артып келе жатқандай көрінеді. Менің білгім келетіні, әлемде қанша мұсылман бар?
Сағи, Алматы
Бүгінде жер бетіндегі әрбір бесінші тұрғын өзін мұсылман санайды. Соңғы 50 жылда жер бетіндегі мұсылмандардың саны 235 пайызға артып, 1,6 миллиардқа жетті. Еуропа елдеріндегі үлесі артып, Франция, Ұлыбритания, АҚШ сынды елдерде екінші дінге айналды. Ұлыбританияда – 1,6 млн, Францияда – 5,8 млн, АҚШ-та – 7 млн, Германияда – 3, Ита-лияда 1 миллион мұсылман бар. Мұсылмандар үлесі ерекше көп елдерді айтатын болсақ: Индонезияда – 182, Пәкістанда – 146, Үндістанда – 109 млн, Түркияда – 61, Мысырда – 51 млн, Нигерияда – 40 млн, Алжирде – 30 млн, Қытайда – 29 млн, Суданда – 20 млн, Эфиопияда мен Ауғанстанда 18 миллионнан, Йемен және Сауд Арабиясы, Өзбекстан және Ресей елдерінде 16 милионнан мұсылман бар.
