Сұрақ-Жауап. Кеңес

Белгілі нумеролог 2018 жылы қазақстандықтарды не күтіп тұрғанын болжады

  • © dabangdunia.co

    © dabangdunia.co

Нақты цифр негізінде болжам жасап танылып жүрген белгілі нумеролог Анар Аман Sputnik Қазақстан тілшісіне 2018 жыл Қазақстан үшін қандай жыл болатынын айтып берді.


"Бас екеу болмай, мал екеу болмас"


"Нумерология бойынша есеп-қисап жасасақ, келер жылдың саны бізде – 2. Бұл цифр дипломатияны, бірлікті, мүдделестік пен ниеттестікті білдіреді. Егер осы, артта қалып бара жатқан 2017 жылы "эго", яғни даралану, жеке кәсібін ашып, ерекшеленгісі келетіндердің ісі құпталса, 2018 жылы бәрі керісінше. Бөлектенгісі келетін жандардың алдынан тосқауыл кездеседі, ит жылы ынтымаққа, бірлесіп әрекет етуге, бір-бірін құрметтеп, ой-пікірлерімен санасуға шақырады. Мәселен, алдағы жыл ер мен әйелдің мәңгілік жұп болып, шаңырақ көтеруіне өте қолайлы жыл. Жалпы нумерологияда екі саны энергияға жауап береді. Сол себептен де көбісі отбасылық жайлылықты, ошақ жылуын қалайды. Өмірлік серігін кездестіріп, көптен таныс жандар нақты шешімге келіп, отбасын құруға асығады", — дейді Аман.


Сондай-ақ, нумерологтың болжамынша, ит жылы өнер адамдарына, әртістерге дуэт құруға таптырмас жыл. Дейтұрғанмен, бұл цифрдың теріс жақтары да баршылық. Әрбір істе бәрін ақылға салып, келісіп, бейбіт жолмен шешу керек. Ымыраластық, ынтымақшылдық, дипломатия болмаса "аққу, шортан һәм шаянның" кебін киюіңіз мүмкін.

Сонымен қатар, 2018 жылы шығармашылық салада істейтіндердің, психологтар мен астрологтардың Айы оңынан тумақ.


"Бұл жыл бұрынғы жылдан өзгерек"


"Таяудағы бес жылда Қазақстанның өзге елдермен серіктестік қарым-қатынасы өте жоғары деңгейде. Алдағы 4-5 жылда еліміз қандай да бір жобаларда, жаһандық мақсаттарда әлемдік жетекші мемлекеттердің қолдауына ие болады. Әзірге мен, нумеролог ретінде, теріс ритм, мәселен келіспеушілік, дау-жанжал, тоқырау байқап тұрған жоқпын. Қазақстанда төрт-бес жыл қатарынан оң ритм. Бұл өте сирек кездесетін жағдай. Яғни серіктестік те жоғары, сырттан да қолдау бар, табыс та молаяды. Ал валюта нарығында, я да тағы басқа оқиғалар бұл, әрине, табиғи нәрсе, ондай болып тұрады. Жалпы 2018 жыл қазақстандықтар үшін табысты жыл болмақ. Отандастарымыздың әл-ауқаты артып, тұрмысы жақсара түседі. Биылғыдан да жақсы өмір сүретін болады", — деді нумеролог.


Оның айтуынша, әлемдегі жағымды-жағымсыз оқиғалар Қазақстанды да айналып өтпейді. Десек те еліміз кез келген тосқауылға төтеп беретін әлеуетке де, ресурсқа да ие.

"Біз мына тұтас әлемнің бір бөлшегіміз, сондықтан жаһандық оқиғалардан тыс қала алмайтынымыз түсінікті. Бірақ, нумеролог ретінде айтар болсам, Қазақстан қуатты әлеуетке, ресурқа ие. Қазақстанды ең жайлы планета Юпитер жебейді. Юпитерді мол бақыттың ғаламшары, ең дана планета деп те атайды. Сондықтан бұл ғаламшардың қамқорлығы мен қолдауына ие ешбір ел жаман тұруы мүмкін емес. Тіпті әлемде қандай да бір табиғи апат, төтенше жағдай бола қалса, Юпитер бізге барлық ресурс пен мүмкіндікті береді", — деді нумеролог.


Ит адал ойынды жақсы көреді


"Ит жылы адал еңбекті, шыдамдылықты, алға қойған мақсат-міндеттердің орындалуын талап етеді. Позитивті көңіл-күйді, ойын-сауықты жақсы көреді. Бірақ арамдықты, әділетсіздік пен өтірікті кешірмейді. Ит адал ойынның жақтасы, жыл соңында әрбіреуін еңбегіне, адал ниетіне қарай марапаттайды. Мүмкіндік береді, алайда оның сұрауы да жоқ емес. Ит, біз ойлағандай, қарапайым үй жануары емес, жауапкершілікті талап етеді", — деген Аман қазақстандықтарға келе жатқан жаңа жылда шынайылық, өзара сенім мен адал махаббат тіледі.


 


 




Көрілген: 1656    Пікірлер: 0
Пікір қалдырыңыз

сенбі, 23.12.2017, 13:47

Достарыңмен бөліс:

  • СОҢҒЫ ЖАРИЯЛАНЫМДАР:
    31 Желтоқсан 2017
    Ит жылынан не күтесіз?
    23 Желтоқсан 2017
    Бесік қашан пайда болған?
    15 Желтоқсан 2017
    Көлік атауларының тарихы
    6 Желтоқсан 2017
    Миллиардерден 5 кеңес

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31