Сұрақ-Жауап. Кеңес

Босанғаннан кейінгі жыныстық қатынаста нені ескеру керек?

  • © TUT.by

    © TUT.by

Халықаралық салауатты өмір академиясының басшысы әрі гинеколог Елена Березовская жақында босанған әйелдерге жыныстық қатынас кезінде нені ескеру керектігін айтып берді. Бұл туралы NUR.KZ порталы krasotka.postimees.ee сайтына сілтеме жасап жазады.


Гинекология тұрғысынан босанғаннан кейін қанша уақыт жыныстық қатынастан аулақ болу керектігінің нақты мерзімі белгіленбеген. Десе де екі маңызды жайтты есте сақтаған абзал.


Біріншіден, босанғаннан кейін әуретті жеріңізден бөлінетін сұйықтық (лохии) жатырға инфекция түсу мүмкіндігін еселейді. Бұл сұйықтық алты-сегіз аптаға дейін бөлінеді. Бұл уақытта жыныстық қатынасқа мүшеқапсыз түспеген дұрыс.


Екіншіден, төсек қатынасы кезінде ауырсынуларды сезінбеуіңіз керек. Алғашқы жыныстық қатынас сәл ауырсынуларды тудырғанымен, бұл әр төсек қатынасында көрініс тауып жатса, тексерілгеніңіз жөн.


Осы жайттарды негізге ала отырып, босанғаннан кейін жыныстық қатынасқа барынша көп түспеуге тырысқан дұрыс болады.


Егер кесар тілігін жасатқан болсаңыз, оның жазылуына кемінде алты ай кетеді. Осы уақытқа дейін жыныстық қатынас кезінде ауырсынуларды сезінуіңіз ғажап емес. Сол себепті, төсек қатынасын бірнеше аптаға кейінге қалдыра тұру керек.


Қынабыңыз босанғаннан кейін бұрынғы қалпына екі-үш айдан кейін, кейде тіпті 8-10 аптадан кейін келеді.


Қалпына келуді тездету үшін дәрігермен кеңесе отырып, спортпен шұғылданып көруге болады. Босанғаннан кейін төсек қатынасын қаламасаңыз, қатты уайымдамаңыз. Әдетте әйелдер босанғаннан кейін аздаған күйзеліске ұшырап жатады. Бұл өз алдына төсек қатынасына құштарлықты азайтады. 




Көрілген: 931    Пікірлер: 0

сейсенбі, 28.08.2018, 18:31

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31