Қант диабетімен сырқаттанған науқастарға бал жеуге бола ма?

Қант диабеті ауруының белгілері қандай? Бұл аурумен сырқаттанған науқастарға бал жеуге бола ма?

Кенжегүл, Шығыс Қазақстан облысы

Дәрігер мамандардың айтуына қарағанда, қант диабеті – ұйқы безі қызметінің бұзылуы, инсулин гормонның жетіспеушілігінен пайда болатын ауру. 
Қант диабетінің пайда болуының ең басты себептерінің бірі – қантқа тез айна­латын көміртегі бар тағамдарды шек­тен тыс пайдалану болып табылады. Сондай-ақ артық тамақ ішіп, дене ең­бе­гімен шұғылданбай, семіздікке бой алдыру да – қант диабетінің көп таралу себептерінің бірі. 
Сонымен қатар қант диабеті тұқым қуа­­лаушылықтың әсерінен де пайда болады. Балалар арасында қант диа­бе­тінің өте көп таралуының бір себебі осын­да жатыр. Бұл аурудың таралуына экологияның да қосар үлесі аз емес. 
Қант диабетінің басты белгілері:
• ауыз қуысы құрғап, суға деген құ­марлығы артады; 
• кіші дәретке жиі шығады; 
• жұмыс істеу қабілеті төмен­дей­ді,тамаққа тәбеті артады; 
• қан айналымының бұзылуынан жиі-жиі басы аурады;
• жүрек қағуы жиілеп, қан қысымы тұрақ­сызданады;
• аяқтың башайлары, қолдың саусақ­та­ры ұйыйды;
• ұйқы бұзылады, көздің алдында қа­ра дақтар көлбеңдейді,тез шар­шай­ды; 
• аяқ, қол терілері қышиды.
Дәрігердің нұсқауы бойынша екі-үш қасық бал жеуге болады.