Алаш үні

Қазақты қырған Таран Бейімбеттен әулие ме?

  • Қазақты қырған Таран Бейімбеттен әулие ме?

    Қазақты қырған Таран Бейімбеттен әулие ме?

Тәуелсіздіктің 25 жылдығы тұсында Қостанай қаласының қақ ортасындағы Таран көшесінің атауы Тәуелсіздік болып өзгертілетінін естіп, бөркімізді аспанға аттық. Бір-бірімізден сүйінші сұрадық. Олай етпей ше?

Орманынан орысы көп Тобыл өлкесінде елді мекен түгел, көше атауын қазақшалау – күрестің күресі, қияметтің қияметі. Бүгінде комиссияның тиісті шешімі мақұлдаудан өтіп жатыр. Бәрекелді делік! Бірақ, көп ұзамай Лаврентидің атауы Қостанайдағы басқа көшеге ауысады деген «суық» хабар жетті. Суық дейтін жөнім бар. Лаврентий Таран – кешегі Алаштың көсемдері, ұлтымыздың мақтанышы, Тәуелсіздік үшін жандарын пида еткен Ә. Бөкейханұлы, М. Дулатұлы, А. Байтұрсынұлы сынды саңлақтарымызға қарсы күресті ұйымдастырған қызыл империяның қолшоқпары. Үзеңгілестерімен бірге Қостанай уезінің өзен-көлі бар шұрайлы жерлеріне бекініс салып, қарусыз жатқан қазақты қанға бояған келімсектер. Көпті көрген көнекөз қариялардың естелігінде «Ақ колчак келді, малымызды алды, қызыл Таран келді, жанымызды алды» деп зар иелуі көпті аңғартса керек.

Әйтсе де бүгін, сол Таранды көкке көтеріп, тіпті оған Бейімбет Майлин туып-өскен ауданына атауын бердік. Ал Майлин атындағы көшені Қостанай мен Рудныйдың адам көрсе ұялатындай ескі аудандарынан таба аласыз. Осы тұста Тобылдың атқа мінерлері жалтақтықты қойып, батыл шешімдер қабылдаса деймін. Бейімбет кім, Таран кім екенін энциклопедиялар мен гуглдан оқып білер кез жетті. Айтылмаған сөз жетім. Көптен бері көкейде жүрген шерімді қысқаша тарқататын кез жетіпті. Енді тақырыпқа тұздық берер жерлестерімнің бұған не дейтінін көргім келеді.


Қуаныш ЕСҚАБЫЛ

Abai.kz 



Көрілген: 1357    Пікірлер: 0
Пікір қалдырыңыз

сейсенбі, 31.01.2017, 12:16

Достарыңмен бөліс:

  • СОҢҒЫ ЖАРИЯЛАНЫМДАР:
    26 Шілде 2017
    Алашшыл азамат
    12 Шілде 2017
    Генерал жолы

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28