Алаш үні

Қытайдағы қазақтардың туысқандары Қазақстаннан көмек сұрауда

  • Қытайдағы қазақтардың туысқандары Қазақстаннан көмек сұрауда

    Қытайдағы қазақтардың туысқандары Қазақстаннан көмек сұрауда

Қытай оқулықтарында Қазақстан жерінің Қытай жері деп көрсетілуіне қатысты қандай да бір мәлімет пайда болса, бұл мәселе үкіметаралық кездесулерде міндетті түрде көтеріледі. Қазақстан үкіметі бұған тосқауыл қояды.


Бұл туралы Қазақстанның сыртқы істер министрі Қайрат Әбдірахманов мәлімдеді.


Бұған дейін Қытай сайттарында мектеп оқушыларына Қазақстанның Жетісу, Алматы өңірі Қытай жері деп оқытылатыны туралы ақпарат тараған болатын.


Бұл мәселе қоғамда біраз дау тудырған еді. Осы жағдай енді тағы қайталанып жатқанға ұқсайды. Журналистер сыртқы істер министрі Қайрат Әбдірахмановтан осы мәселеге қатысты Қытай үкіметіне ресми сауал жолданды ма деп сұрады.


“Оқулық, картаға байланысты қандай да болсын мәлімет түссе, біз оны ешқашан назардан тыс қалдырмаймыз, нақты тосқауыл қоямыз.


Мұндай мәселелерге өз ағымымен жүруге мүмкіндік бермейміз.


Өздеріңізге мәлім, біз Қытай тарапымен өте тығыз байланыстамыз, екіжақты консультациялар жүргізіп жатырмыз. Оның ішінде желтоқсанда Бейжіңде өткен қауіпсіздік мәселелері туралы келіссөздерді айтуға болады. Жуырда үкіметаралық комиссия аясында бірсыпыра келіссөз өткіземіз. Осындай үкіметаралық кездесулер арасында мұндай мәлімет пайда болса, үкімет атынан көтереміз. Оған ешқандай күмән болмауы керек”, — деді министр.


Қытайдағы қазақтардың туысқандары Қазақстаннан көмек сұрап отыр. Сондай-ақ Әбдірахманов Қытайда ұсталған Қазақстан азаматтарына қатысты да түсініктеме берді. Айтуынша, министрлік бұл мәселені бақылауында ұстап отыр.


“Ұсталған азаматтардың туыстары бізге қажетті мәліметтерді берді. Ол деректер расталған соң, Қытай тарапына ресми түрде дипломатиялық нота жібердік.


Сонымен қатар, Бейжіңдегі елшілігіміз, Үрімшідегі паспорттық-визалық қызметтің өкілдері Қытай тарапымен тығыз жұмыс істеп жатыр.


Толық мәлімет алған соң, біз оны міндетті түрде бізге өтініш білдірген Қазақстан азаматтарының туыстарына жеткіземіз”, — деді ведомство басшысы.


Дереккөз: sputniknews.kz




Көрілген: 3032    Пікірлер: 0

жұма, 16.02.2018, 10:30

Достарыңмен бөліс:

  • СОҢҒЫ ЖАРИЯЛАНЫМДАР:
    26 Шілде 2017
    Алашшыл азамат
    12 Шілде 2017
    Генерал жолы

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30