Қылмыс

Адвокаттар белгілі бір топ Бишімбаевқа қарсы жала жаппақшы екенін айтты

  • Фото: Бауыржан Жуасбаев

    Фото: Бауыржан Жуасбаев

Астанада өткен арнайы баспасөз мәслихатында бұрынғы ұлттық экономика министрі Қуандық Бишімбаевтың адвокаттары тергеудің әділетсіз өтіп жатқанын айтты, деп хабарлайды Baq.kz тілшісі.


Олардың айтуынша, белгілі бір топ Бишімбаевқа қарсы жала жаппақшы екен. Бірақ адвокаттар олардың есімдерін атаған жоқ.


«Алғашында іс қиын, күрделі болып көрінуі мүмкін. Белгілі бір азаматтар Бишімбаевты түрмеге отырғызбақшы. Алайда іске сәл үңіліп қарасақ, мәселе анық көрініп тұр. Белгілі бір ұсталған азаматтар бар. Олар қылмыс үстінде құрықталған. Алайда олар амалын тауып, құтылып кетпекші. Олар өз жазасын жеңілдетіп, кінәні Бишімбаевқа жабуды көздеп отыр. Біз олардың кім екенін сотта айтамыз», - деді адвокат Сейіт Рахманов.


Ал Қуандық Бишімбаевтың тағы бір адвокаты Мәди Мырзағараев айыптаушы тараптың дәлелдері тек куәгерлердің сөзіне негізделген деп санайтынын айтты.


Сонымен қатар адвокаттардың сөзіне қарағанда, Қуандық Бишімбаев қылмыстық істің әдейі ұйымдастырылғанын бастапқыда-ақ мәлімдеген. Дәлел ретіндегі құжатты адвокаттар журналистерге таратты. 2015 жылғы енгізілген тәртіпке сәйкес, сотқа дейінгі тергеу тек рапорт тіркелгеннен кейін немесе құжат сотқа дейінгі тергеу реестрінде тіркелген соң ғана жүруі тиіс. Бұл – қылмыстық істі жүргізудің негізгі фундаменті. Осы құжат арқылы кез келген азаматты қылмыстық іс бойынша қудалау басталады. 



Адвокат Мырзағараев Сыбайлас жемқорлыққа қарсы күрес бойынша ұлттық бюро Тергеу департаментінің басшысы С.Н. Перовтың атына жазылған рапортты көрсетті.



«Онда қол мен екі штамп тұр. Бір қарағанда барлығы дұрыс сияқты. Алайда құжаттағы екі штампқа дұрыстап қарасақ, бір штамп – мемлекеттік қызмет істері жөніндегі агенттігіне, ал екіншісі мемлекеттік қызмет істері министрлігіне тиесілі екенін көреміз. Айырмашылықты байқап тұрсыздар ма? Мемлекеттік қызмет істері жөніндегі агенттік және министрлік. Яғни мұнда мүлдем екі түрлі органның штамптары тұр. Аталған министрлік қазір жоқ. Ол 2016 жылдың 13 қыркүйегінде Президенттің жарлығымен қайта құрылды. Ал мына құжатта 2016 жылдың 9 тамызы көрсетілген. Президенттің жарлығы шығуға бір ай және бірнеше күн қалғанда, аталған агенттік құрылғанға дейін біздің құжатта агенттіктің штампы тұр», - деді Мәди Мырзағараев.


Оның айтуынша, Президенттің аталмыш жарлығына дейін аталған мемлекеттік қызмет істері министрлігінің агенттікке айналатынын ешкім білмеген.


«Мұны тіпті ешкім болжай алмаған. Алайда Ұлттық бюро қызметкерлері уақыттың алдына түсіп кеткен болып тұр ғой. Жарлық жоқ, мемлекеттік орган құрылмаған, бірақ штамп бар. Бұл нені білдіреді? Сіздер не болып тұрғанын түсінесіздер ме? Демек, бұл құжат 9 тамызда дайындалмаған. Мұны Бишімбаев та мәлімдеп отыр. Ол тағы да өзіне қатысты қылмыстық істің заңсыз қозғалғанын және өзіне қарсы ұйымдастырылғанын айтады», - деді ол.


Естеріңізге сала кетейік, бүгін Астанада бұрынғы ұлттық экономика министрі Қуандық Бишімбаевтың адвокаттары Мәди Мырзағараев пен Сейіт Рахманов арнайы баспасөз мәслихатын өткізді. Онда қорғаушылар Сыбайлас жемқорлыққа қарсы іс-қимыл ұлттық бюросы таратқан Қуандық Бишімбаев Қызылорда қаласындағы шыны зауытының құрылысына бөлінген қаражатты ұрлауға қатысты қылмыстық іс бойынша «1,2 миллиард теңге көлемінде мемлекетке өтемақы төледі» деген ақпараттың жалғандығын және бұрынғы экономика министрінің соттың әділ өтетініне сенімді екенін мәлімдеді.




Көрілген: 654    Пікірлер: 0

сейсенбі, 24.10.2017, 19:50

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31