Қылмыс

Ақтөбеде ер адам көршінің жасөспірім баласын есірткіге «отырғызған»

  • © sn.kz

    © sn.kz

Ақтөбеде есірткі саудасымен айналысқан ірі қылмыстық топқа сот үкімі шықты деп хабарлайды aktobetimes.kz. Үкім Ақтөбе облыстық қылмыстық істер бойынша мамандандырылған ауданаралық сотында оқылды.


Қылмыстық топқа 46 жастағы азамат жетекшілік еткен. Ол есірткіні алып келіп, өзінің үш сыбайласына тапсырып отырған. Үшеуінің бірі өзінің азаматтық некедегі әйелі болса, қалған екеуі бөгде еркектер. Олар барлығы телефон арқылы байланыста болып, құпия сөздер арқылы сөйлесіпті.


Тергеу материалдарынан анық болғандай, қылмыскерлер есірткіні дүкендерде де сатыпты. Мәселен, топ жетекшісінің әйелі марихуананың 1 дозасын 2 мың теңгеден кәдімгі азық-түлік дүкенінде сатып келген. Ал, екі еркек болса арақ сататын дүкендерге келіп, нашақорларды есірткімен қамтамасыз етіпті.


Аталған іске куәгер ретінде 15 адам тартылған. Олардың бәрі де 2017 жылдың наурызынан 2018 жылдың ақпан айы аралығында қылмыстық топ мүшелерінен есірткі сатып алғандар. Араларында 15 жастағы мектеп оқушысы да бар. Ол есірткі сатушысын 2017 жылдың қаңтар айынан бері танитынын айтып отыр, яғни бұған дейін олар көрші болған екен.


Қылмыскерлерді ұстау үшін полицейлер өз агенттерін сенімді "клиенттер" қатарына қосып, айыптыларды қылмыс үстінен қолға түсірген. Олардың үйін тінту барысында 54 келі марихуана табылып, тәркіленді.


Сот барысында басты айыпталушы өзіне тағылған кінәні мойындаған жоқ. Ол есірткі толы сөмкелерді полицейлер өздері әкеп тастады дегенді айтып ақталмақ болды. Дегенмен, қылмыстық топтың айыбы толық дәлелденіп, топ жетекшісі 17 жылға, оның азаматтық некедегі әйелі 15 жылға, екі ер азамат 16 және 17 жылға бас бостандықтарынан айрылды.


sn.kz 




Көрілген: 177    Пікірлер: 0

сенбі, 06.10.2018, 20:41

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31