Қылмыс

Атырау тұрғынын қыздары мен әйелі өлтіріп, үстіне бетон құйып тастаған

  • Атырау тұрғынын қыздары мен әйелі өлтіріп, үстіне бетон құйып тастаған

    Атырау тұрғынын қыздары мен әйелі өлтіріп, үстіне бетон құйып тастаған

Полиция ер адамның көз жұмғанын растады, бірақ оқиғаның мән-жайын әзірге жария етпей отыр


Атырауда әйел мен оның қыздары отағасын өлтіріп, туысқандарын "ол Таяу Шығысқа жиһадқа аттанды" деп сендіріп келген, деп хабарлайды Sputnik Қазақстан.


Жантүршігерлік қылмыс туралы атыраулық Виктория Шамшодина фейсбуктегі парақшасында жазды.


Қыздың айтуынша, 2012 жылы әкесінің туған бауыры, яғни ағасы із-түссіз жоғалып кеткен. Ер адамның әйелі мен қыздары оның жат ағымға кіріп, шет елге жиһадқа аттанғанын айтып, туысқандарын осыған сендірген.


Алайда полиция арада бірнеше жыл өтсе де, тергеуді тоқтатпаған. Бірде жоғалған ер адамның әйелі мен қыздары полицияға тағы бір мәрте шағым түсіргенде, өтіріктің беті ашылады. Хабарсыз кеткен ер адамның отбасы туысқандарын ақша бопсалады деп айыптаған.


Осы арыздан кейін ұсталған жігіт полицияға бар шындықты айтады. Ол жоғалған ер адамның шын мәнінде шетелге кетпегенін, оны әйелі мен туған қыздары өлтіріп, денесін бөлшектеп, үй ауласындағы душтың астына көміп, үстіне бетон құйып тастағанын мәлімдеген.



Полиция бұл ақпаратты тексеріп, мұның шындық екеніне көз жеткізеді. Құқық қорғау органдарының қызметкерлері ауладағы душты бұзып, жердің астынан адам денесінің сүйектерін тапқан. Әзірге полицейлер оның нақты кімдікі екенін айтуға асықпайды – сараптама нәтижесін күтіп отыр.


"Аталған фактіге қатысты сотқа дейінгі тергеудің басталғанына біраз болды. Іс фигуранттары анықталып, ұсталды", — деп мәлімдеді Атырау облысы ішкі істер департаменті.


Тергеу мүддесіне байланысты оқиғаның толық мән-жайы хабарланбай отыр. Ведомство тергеу шаралары аяқталған соң, қосымша ақпарат таратамыз деп сендірді.




Көрілген: 278    Пікірлер: 0

сенбі, 08.09.2018, 22:42

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31