Қылмыс

Келінінен ауыр сөз естіген ОҚО тұрғыны жантүршігерлік қылмысқа барды

  • CC0 / Bernd Schray

    CC0 / Bernd Schray

Оңтүстік Қазақстан облысында қайын атасы келінін пышақтап тастады. Ол келінінің ауыр сөздерін көтере алмаған, деп хабарлады Otyrar.kz.


Айдың-күннің аманында, күндіз, арақ-шарапқа масаймай-ақ қылмысқа барған кісінің ісі облыстық мамандандырылған ауданаралық қылмыстық істер жөніндегі сотта қаралып жатыр.


Кикілжіңнің басы сөзге келуден басталған. Үй іргесіне көлік қоюға рұқсат берген атасының сөзіне келіні қарсы шыққан. Жоқ жерден жанжал шығып, қайын атасы келінін жарақаттау мақсатында асхана пышағын алып, келінінің соңынан ереді.

"Асхана пышағын жасырып, балалары қылмысты пиғылын іске асыруға кедергі келтірмесін деп, келінінің соңынан дәретханаға кірген. Сол иығының үстінен пышақпен соққы жасаған. Жаны ұшырған келіні көмекке шақырып, дәретханадан қашып шыққан. Аулада тұрған балалары әкесінің қылмысты пиғылын соңына дейін орындауға кедергі болады", — дейді ОҚО прокуратурасының басқарма прокуроры Мырзахмет Сейдахметұлы.


Келінімен кикілжіңге келген қайын атасы өлтірмек ниетінің болмағанын айтады. Пышақтап сабақ беріп, сабасына түсірмек бопты.


"Өлтірем дегенім жоқ, сабасына түсіргім келді. Сабақ болсын дедім. Оның боғауыз сөздеріне шыдай алмадым. Мұндай боғауызды ешкімнен естіп көрген емеспін. Келінім бұрын да сотты болған. Өзі есепте тұрады. Өлтіргім келмегенін тағы қайталап айтамын", — деді сотталушы Дәулетбек Рахманалиев.


Айта кетейік, аталған қылмыс бойынша сот ісі ОҚО мамандандырылған ауданаралық қылмыстық істер сотында жалғасып жатыр.


Sputnik


 


 




Көрілген: 2348    Пікірлер: 1

сәрсенбі, 20.12.2017, 21:15

Достарыңмен бөліс:

  • СОҢҒЫ ЖАРИЯЛАНЫМДАР:
    28 Наурыз, 00:56
    Медиация институты

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31