Қылмыс

Құқық қорғау жүйесінде жасалып жатқан реформалардың маңызы зор

  • Құқық қорғау жүйесінде жасалып жатқан реформалардың маңызы зор

    Құқық қорғау жүйесінде жасалып жатқан реформалардың маңызы зор

Елбасымыз Н. Ә. Назарбаев әрқашан еліміздің құқық қорғау жүйесін дамыту, реформалар жасау ісін естен шығарған емес. Соңғы Жолдауында да еліміздің жаңа кезеңіндегі даму жолдары ретінде құқықтық-экономикалық дамудың жаңа үлгісін құру қажеттілігімен бес басымдықты жария етті. Мұнда жекеменшікті қорғауға, заң үстемдігін және барлық адамдардың заң алдындағы теңдігін қамтамасыз етуге, сот жүйесіне сенімділікті арттыруға, сондай-ақ судьялардың қызметіне араласып, заңсыз ықпал етуге жол бермеуге бағытталған реформаларды жалғастыру туралы жан-жақты айтылған.

Қазіргі таңда еліміздегі судьялар корпусы алдында осы міндеттерді жүзеге асыру үшін азаматтардың конституциялық құқықтары мен бостандықтарын қорғауды ары қарай жетілдіру, демократиялық қағидалар мен құндылықтарды қолдау, жариялылықты қамтамасыз ету, кәсіби судьялар қатарын нығайту міндеттері тұр. Заман сұранысына сай жасалып жатқан мұндай өзгерістер сот саласын жетілдіріп, қылмыс процесінде азаматтарды қорғау деңгейін арттыру, тергеу жүргізу тәртібін оңтайландыру, қылмыс процесіндегі жарыспалылық, сотқа дейінгі сатыда сот бақылауын одан әрі күшейту, қылмыстық қудалау, прокуратура және сот органдары арасындағы өкілеттіктердің қайталануын болдырмау секілді мәселелердің алдын алып жатқанын айта кету керек.

Сондықтан қазіргі таңда елімізде жүргізіліп жатқан сот-құқықтық реформалардың жемісті нəтижелері бізді жаңа белестерге бастады. Мемлекетті басқарудың саяси құралдарының қатарында биліктің дербес саласы - сот билігінің орны мен мəртебесі айрықша екенін Елбасы үнемі атап көрсетуде. «100 нақты қадам» Ұлт Жоспарын қабылдау сот жүйесін одан әрі реформалаудың жаңа маңызды кезеңі болғандығын айрықша атап өтуге болады. «100 нақты қадам» Ұлт жоспарының екінші бөлімі заң үстемдігін қамтамасыз ету бөлігінде «Барлық сот процестеріне бейне және таспаға жазу шараларын міндетті түрде енгізу. Судьяның бейне жазуды тоқтатуға немесе аудио жазу материалдарын редакциялауға мүмкіндігі болмауы тиіс», деп мұның маңызын да көрсеткен.

Жариялылық - іс жүргізу кодекстерінде сот ісін жүргізудің негізгі қағидаты болып бекітілген. Бұл қағидатты талқылау кезінде негізгі назар сот ғимаратына қол жетімдік, іс жүргізудің және сот отырысының ашықтығына бөлінеді. Жаңадан енгізілген «Төрелік», «Дыбыс-бейнежазба», «Сот кабинеті» сынды бағдарламалар сот процестерінің аудио және бейне тіркеуінің жетілдірілген жүйесі шын мәнісінде, сот төрелігі ашықтығымен қамтамасыз етудің ғаламат құралына айналды. Көп жағдайда бұл қолданысқа енген жайттар - сот процесінің әрбір қатысушысы қазір Сот кабинетіне кіріп, процестің бейне және аудио жазбаларымен таныса алады. Осылайша, сот өндірісінің бүкіл процесі толықтай ашық бола түсуде және бұл жүйені толықтай енгізу қандай да бір процессуалдық заң бұзушылықтарды азайтатынын уақыт көрсетіп отыр. Сондықтан бүгінгі күні сот саласына жасалған реформалардың осы саланың дамуына айрықша ықпал етіп жатқаны бізді қуантады.

Жанна ЕРКІНҚЫЗЫ, Алматы облысы Қапшағай қалалық сотының судьясы


 




Көрілген: 828    Пікірлер: 0

сәрсенбі, 08.11.2017, 12:19

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30