Қылмыс

Павлодарда мешітте ұрлық жасаған жас жігіт ұсталды

  • Павлодарда мешітте ұрлық жасаған жас жігіт ұсталды

    Павлодарда мешітте ұрлық жасаған жас жігіт ұсталды

Павлодар қаласының тәртіп сақшылары мешітке келген адамдардың қалтасынан ақша ұрлап жүрген ұрыны қолға түсірді, деп хабарлайды «ҚазАқпарат» ХАА тілшісі Павлодар облысының ІІД баспасөз қызметіне сілтеме жасап.


Ведомствоның хабарлауынша, полицияға жергілікті мешіттердің біріне барып жүретін екі адам арызбен жүгінген. Олардың айтуы бойынша, белгісіз адамдар мешіттің киім ілетін орындарында ілулі тұрған күртешенің қалтасынан ақша, банк карталарын және басқа да бағалы заттарды ұрлаған.


«Жәбірленушінің айтуынша, белгісіз адамдар оның күртешесінен былғары портмоне, 60 мың теңгеге жуық ақшалай қаражат және құжаттарды ұрлаған. Бірнеше күннен кейін полицияға осыған ұқсас арызбен тағы бір жәбірленуші жүгінді. Ол жергілікті мешіттердің бірінде барсеткасының, 15 000 теңге ақшасының ұрланғанын айтты», - деп хабарлайды Павлодар облысының ІІД баспасөз қызметінен.


Жедел-іздестіру іс-шаралары барысында осы қылмысты жасады деген күдікпен 1994 жылы туған Павлодар қаласының тұрғыны ұсталды. Күдікті өз кінәсін толығымен мойындап, істеген ісіне өкінетінін айтқан.


«Тергеу барысында күдіктінің мешітке кіріп, келушілердің аңқаулықтарын пайдалана отырып, кіре берісте тастап кеткен сыртқы киімдердің қалтасынан ұрлық жасағандығы анықталды. Кейін көзге түспей қылмыс орнынан ізін суытқан. Қазіргі уақытта полицейлер оның облыс орталығы аумағында жасалған ұқсас қылмыстарға қатыстылығын тексеруде», - делінген хабарламада.


Аталған жағдай бойынша Қазақстан Республикасы Қылмыстық кодексінің 188-бабы бойынша сотқа дейінгі тергеу басталды.


 




Көрілген: 261    Пікірлер: 0
Пікір қалдырыңыз

жұма, 22.12.2017, 21:18

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31