Қылмыс

Щучинскіде терроризмді насихаттаған екі жігіт қамауға алынды

  • © Deutsche Welle

    © Deutsche Welle

Ақмола облысының Бурабай аудандық соты Щучинск қаласының екі тұрғыны, өздерін "салафитпіз" дейтін 30 жастағы Ғалымжан Әбілқайыров пен 28 жастағы Дадаш Мәженовті екі айға қамау туралы шешім шығарды.


Қамалғандардың адвокаты Бақыт Сүлейменованың сөзінше, екеуін де әлеуметтік желілерде "терроризмді насихаттады" деген күдікпен ұстаған.


- Олар өздерінің ешнәрсе таратпағанын, тек ілген аудиоларын тыңдаған адамдар болғанын айтады. Біреуінің достығында 420 адам, екіншісінде 300 адам болған, — дейді адвокат.


Ғалымжан Әбілқайыровтың әйелі Жадыра Бекенова тыйым салынған діни аудио дәрісті күйеуі мен Дадаш Маженовтің 2016 жылы "ВКонтакте" желісі арқылы тыңдағанын, кейіннен оларды өшіріп тастағанын айтады.


- Бұл - екі жыл бұрын болған оқиға. Ол кезде бұл файлдарға тыйым салынбаған. Тек 2017 жылы ғана тыйым салу жөнінде шешім шыққан. Одан кейін күйеуім оларды бірден өшіріп тастады. Бірақ олар Интернеттің базасында қалып қояды екен (google-cash болуы мүмкін. —​ ред.), ҰҚК тауып алған, - дейді Жадыра Бекенова.


Оның сөзінше, Дадаш Мәженов "ВКонтакте" желісіндегі парақшасын әлдеқашан өшіріп тастаған.


Ұлттық қауіпсіздік комитетінің (ҰҚК) баспасөз қызметі бұл іс бойынша ресми сауал жіберуді сұрап, түсініктеме беруден бас тартты.


ҰҚК-нің Ақмола облыстық департаменті де бұл іске қатысты мәлімет беруден бас тартты.


Биыл 23 сәуірде Ақмола облыстық ҰҚК департаментінің аға тергеушісі Талғат Шаймерденов күдіктілердің туыстарына Ғалымжан Әбілқайыров пен Дадаш Мәженовтің ұсталғаны және Бурабай аудандық ішкі істер бөлімінің уақытша ұстау изоляторына жабылғаны туралы хабарлаған. 


azattyq.org




Көрілген: 244    Пікірлер: 0

бейсенбі, 26.04.2018, 11:51

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31