Оқиға

Ғашығына сенген қарағандылық қыз миллиондаған қарызға батты

  • © psychostep.ru

    © psychostep.ru

Қарағандыда 30 жастағы Анна есімді әйел ғашығының сөзіне алданып, екі миллион теңгеге кердит алады. Алайда күйеу жігіт әйелдің ақшасын қалтасына басып, алдап кеткен деп хабарлайды NUR.KZ.


Анна 36 жастағы Давидпен кафелердің бірінде танысады. Бір апта ішінде әйелдің басын әбден айналдырған азамат оны бірге тұруға көндіреді.


"Басында бәрі сондай мінсіз болды. Ол өте мейірімді болатын. Гүлдер сыйлап, көңілімді аулайтын. Мен оған ғашық болып қалдым. Бір аптадан кейін оның пәтеріне көшіп бардым.


Оның өмірлік бақытым екеніне риясыз сендім. Қазан айында бірге Америкаға кететінімізді айтатын. Керемет отбасы болатынымызды айтып, жоспарлар да құратын. Мен сол ертегіге сеніп қалдым", - дейді Анна.


Аннаның айтуынша, Давид оны туыстарымен таныстырып, тіпті болашақ жары ретінде көрсететін. Анна мұның бәрі ақша үшін екенін мүлде сезбеген.


"Ол кішігірім ЖШС ашқанын айтып, тендер ұтуға ақшасы жетпей жатқандығын алға тартты. Оның сөзіне мүлде күмәнданбастан 1 миллион теңгеге кредит алдым.


Бірнеше күн өткенде тағы да көмектесуімді сұрады. Мен 580 мың теңгеге тағы да кредит алдым. Содан кейін үшінші, төртінші кредиттер кетті. Барлығы 2 миллион теңгеге қарызға батып, өз жиған-терген 500 мыңымды да бере салдым. Алайда содан кейін ол өзгеріп сала берді", - дейді ару.


Анна Давидтің қарыздарды мүлде төлемей қойғанын есіне алды.


"Ол күрт өзгеріп шықты. Мен одан төрт несие бойынша төлем жасауын жалбарынып сұрадым. Себебі жалақым небәрі 140 мың теңге, ал кредиттерім айына 300 мың теңге еді. Алайда ол міз бақпады. Мен оның үстінен полицияға шағым түсірдім", - дейді Анна. 




Көрілген: 801    Пікірлер: 0

дүйсенбі, 14.05.2018, 16:52

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31