Оқиға

Қайғылы сүндет той: Бір жасар сәбиді сүндеттеген ата-ана ұлынан айырылып қалды

  • © BESSARABIAINFORM.COM

    © BESSARABIAINFORM.COM

Үш ұлы бар отбасы үшеуін де бір күнде сүндеттеп, ата-аналық парызынан құтылмақ болып, кіші ұлынан көз жазып қалды. Бір рет шығындалып, үш ұлдың да сүндет тойын өткізбек болған ата-ананың бір жасар баласы аз уақыттың ішінде әлсіреп, шетінеп кеткен деп хабарлайды NUR.KZ.


Әзиза есімді келіншек үш баласын бірдей сүндеттеу үшін үйде сүндеттейтін кісіні шақырған.


«Үйге келіп сүндеттеп беретін дәрігерді шақырдым. Бұл біз үшін ыңғайлы болды, себебі балаларды ауруханаға тасып, әлек болмайсың. Бағасын да келісіп алдық. Әрқайсысына 7 мың теңгеден шықты. Кішкентай болғасын қатты уайымдадым. Үлкенім бес жаста, ортаншым - үште, ал кіші ұлым енді бірге келді", - дейді келіншек.


Сол күні келіншек бір жамандықты сезгендей болған. Сондықтан күйеуінен тағы бір екі-үш жыл күте тұруды сұрады. Алайда ол келіншегіне басу айтып, оның қобалжыған жүрегін орнына түсірген.


«Сол түні нашар түс көрдім. Ішкі түйсігіме назар аудармағаным үшін әлі өкінемін. Ана жүрегі қауіп-қатерді алдын ала сезіп тұрады ғой", - дейді ол.


Алайда келіншектің күйеуі бой бермей, үшеуінің де міндетінен бір күнде құтылып алмақ болған.


Сөйтіп, бүлдіршіндердің үшеуін сүндеттеген.


"Үлкендері қуанып, сыйлықтарына көрсетіп, мәз болды. Бір жасар ұлым басында мазасызданды. Кейіннен ақырындап сола бастады. Бастапқыда ол жай ғана еркелікпен жылап жатыр деп ойладым. Алайда аз уақыттың ішінде ол жүріп кетті. Қолымда кетті. Мұның бәрін еске түсіру оңай емес", - деген анасы бұл іске дәрігерді де кінәлай алмайтынын айтты. Себебі қолында сүндеттегені туралы құжат жоқ.


"Ақсай" емханасының балалар дәрігері Еркін Бақтиярұлы Салаевтың айтуынша, баланы үй жағдайында сүндеттемеген жөн.


"Балалар хирургы ғана сүндеттеу керек. Көп жағдайда сүндеттелгеннен соң қан кетіп, түрлі ауытқулар орын алуы мүмкін.


Көп жағдайда үйде сүндеттейтіндер кәсіби мамандар болмайды. Ата-анасы сүндеттеген соң баласының жағдайы нашарлай түссе, оған хабарласа алмай әлек болады. Себебі ол трубкасын алмауы мүмкін", - дейді дәрігер.


Сонымен бірге ол баласының болашағына бей-жай қарамайтын ата-аналарға сүндеттемес бұрын балалар дәрігеріне көрсетіп, түрлі қайғылы жағдайлардың алдын алуға кеңес береді.


«Ота жасамас бұрын тексерістен өту керек. Снбебі сүндеттеуге болмайтын жағдайлар да аз емес. Мәселен, несеп шығару каналының ақауы, қан жүйесі аурулары. Мұндай жағдайларда сүндеттеуге тыйым салынады", - дейді ол.


Ал кейбір балалар тіпті сүндеттелген соң түрлі психологиялық қиындықтарға да тап болуы мүмкін. 




Көрілген: 3220    Пікірлер: 0
Пікір қалдырыңыз

бейсенбі, 09.11.2017, 11:23

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28