Еркін Тілеуқұлұлы Жуасбек

Еркін Тілеуқұлұлы Жуасбек 1965 жылы 24 сәуірде Жамбыл облысы, Байзақ ауданы, Сарыбарақ ауылында дүниеге келген. Алматы мемлекеттік театр-көркемсурет институтының театр факультетін бітірген. Еңбек жолын ҚР Ұлттық Ғылым Академиясының М.Әуезов атындағы Әдебиет және өнер институтында аға лаборант болып бастады. 1990-1993 жылдары - осы институттың аспирантурасында оқыды. 1994 жылы – театртану саласы бойынша кандидаттық диссертация қорғап, аталмыш институтта ғылыми қызметкер болып жұмыс істеді.

1996-1997 жылдары - Қазақтың өнер мәселесі бойынша ғылыми Орталығына бөлім меңгеруші. 1997-1999 жылдарыжылдары - ҚР Білім және мәдениет министрлігі Мәдениет комитетінің театр және кино бөлімінің бастығы; 1999-2001 жылдарыжылдары - Республикалық Неміс драма театрының директоры; 2001 жылы - М.Әуезов атындағы академиялық драма театрында әкімшілік директоры; 2004-2008 жылдары - ҚР Театр қайраткерлері Одағының төрағасы. 2008 жылдың желтоқсанынан 2013 жылдың сәуіріне дейін Астана қаласындағы Қ.Қуанышбаев атындағы музыкалық драма театрының директоры. 2013 жылдың 1 сәуірінен М.Әуезов атындағы Қазақтың Мемлекеттік академиялық драма театрының директоры әрі көркемдік жетекшісі қызметіне тағайындалды.
1995 жылдан бастап республикалық және халықаралық, сондай-ақ Ташкент, Бішкек, Уфа, Қазан қалаларында өткен театр фестивальдерінде қазылар алқасының мүшесі. 1991-1997 және 2002-2008 жылдар аралығында Т.Жүргенов атындағы Ұлттық өнер академиясында дәріс оқыды.