Мұрат Тәжімұратұлы Баймаханов

 Мұрат Тәжімұратұлы Баймаханов 1933 жылы 1 қарашада Алматы қаласында дүниеге келген. 1957 жылы М.В.Ломоносов атындағы Мәскеу мемлекеттік университетінің заң факультетін «Құқықтану» мамандығы бойынша бітірді. Заң ғылымының докторы, профессор, ҚР ҰҒА академигі.
1960 жылдан бастап 1984 жылға дейін С.М.Киров атындағы ҚазМУ-да заң факультетінің мемлекет және құқық теориясы мен тарихы кафедрасының профессоры бола жүріп мемлекет және құқық теориясынан дәріс оқыды, сонымен қатар «Мемлекет және құқық теориясының өзекті мәселелері» арнаулы курсын жүргізді. Қазіргі уақытта ҚазҰУ магистранттарына, аспиранттарына және докторанттарына жетекшілік етеді, заң факультетімен ғылыми және педагогикалық жағынан тұрақты байланыста. Заң ғылымдарының 3 докторын және 30 кандидатын дайындады. Жарияланған еңбектерінің жалпы саны 300-ге жуық.
«Еңбек ардагері», «Тың және тыңайған жерлерді игергені үшін» медальдармен, ҚазКСР Жоғарғы Кеңесінің Құрмет грамотасымен үш мәрте марапатталған (1973, 1975, 1983 жж.), ҚР ҰҒА Ш.Ш.Уәлиханов атындағы сыйлықтың лауреаты.