Нұрлыбек Қалжатайұлы Жолдасбаев
Нұрлыбек Қалжатайұлы Жолдасбаев 1955 жылы 5 наурызда Жалағаш ауданында дүниеге келген. Қазақ ССР Ауылшаруашылық министрлігінің Қызылорда совхоз-техникумын - зоотехник, Тимириязев атындағы Москва ауылшаруашылық академиясын - зоотехник-зооинженер мамандығы бойынша тәмамдаған.
Еңбек жолын 1972 жылы Жалағаш ауданы Мәдениет совхозында аға жұмысшы ретінде бастаған. 1984-1998 жылдары аталған совхозда бас зоотехник, директор. 1998-2008 жылдары Жалағаш ауданы әкімінің орынбасары, Жалағаш ауданының әкімі, облыстық ауылшаруашылық басқармасының бастығы, облыстық жер қатынастары басқармасының бастығы болды, 2008 жылдан Қазақстан Республикасы Еңбек және халықты әлеуметтік қорғау министрлігінің Бақылау және әлеуметтік қорғау комитетінің облыс бойынша Бақылау және әлеуметтік қорғау департаментінің директоры қызметін атқарып келді. Қызылорда облысы әкімінің 2013 жылғы 1 шілдедегі өкімімен Қызылорда облысының жаңадан құрылған еңбек саласындағы бақылау басқармасының басшысы лауазымына тағайындалды.
