Қазақ солдаты

Ерекше мереке

  • Ерекше мереке

    Ерекше мереке

Шынымен де солай. Бұрын құлақ үйренбеген соң алғашында біртүрлі естілетін. «Мемлекеттік рәміздер күні». Бірақ, уақыт өтіп, бұл мерекенің мәнін терең сезінген сайын жақын бола түсті. Той тойлағаның үшін емес. Көшеге шығып думандатқаның үшін емес. Мемлекеті бар, жері бар, мемлекеттіктің барлық белгілері бар елің үшін. Себебі, жер бетінде бес мыңдай ұлт бар екен. Соның екі жүзге жуығы ғана өз мемлекетінің иесі. Қалғанына ол арман болып келеді. Ал, біздің арманымыз қолымызда: Мемлекеттік Ту болып желбірейді, Елтаңба болып төрде тұр, Әнұран болып төгіледі. Мемлекеттік рәміздеріміз біздің! Осы күнді мәңгілік бекіту үшін жарияланған бұл күн. Сол мемлекеттік рәміздердің қабылданғанына биыл 25 жыл толды. Сөз жоқ, ұлы мереке!


Неге 4-маусым күні атап өтеміз біз бұл мерекені? Өйткені, 1992 жылы 4-маусым күні Қазақстанның жаңа мемлекеттік рәміздері бекітілді.


Мемлекеттік рәміздер - мемлекеттің мызғымас негіздерінің бірі. Мемлекеттік Ту, Мемлекеттік Елтаңба және Мемлекеттік Әнұран – Тәуелсіз Қазақ елінің айбыны. Аспан түсті көк ту мен ортасында шаңырақ бейнесіндегі алтын сәулелі күн орныққан елтаңба барша дүниеге Қазақстан Республикасы деп аталатын жаңа тәуелсіз Мемлекет барын паш етті.


1992 жылы суретші Шәкен Ниязбековтің ұшқыр ойынан туған Мемлекеттік тудың бейнесі бекітілді. Тәуелсіз Қазақстанның бүгінгі Елтаңбасын сәулетшілер Жандарбек Мәлібеков пен Шота Уәлиханов дүниеге әкелді.


Әнұранға келетін болсақ, сол 1992 жылы әні мен мәтініне байқау жарияланды. Нәтижесінде Қазақстанның тұңғыш әнұранының әні болып Мұқан Төлебаев, Евгений Брусиловский мен Латиф Хамиди бірлесіп жазған туынды қабылданды.


Әнұран ұлттың рухын әйгілеуге тиіс. Ондай ән бар еді. ХХ- ғасырдың ортасында дүниеге келген «Менің Қазақстаным» өте танымал да халыққа өте жақын ұлтжанды туынды болатын. 2006 жылы «Менің Қазақстаным» жаңа әнұранның әні ретінде қабылданды.


Қазақстан Республикасының жаңа Мемлекеттік әнұранның авторлары - Шәмші Қалдаяқов, Жұмекен Нәжімеденов, Нұрсұлтан Назарбаев.


Міне, қазақ ұлтының мемлекеттігін паш ететін, мерейін тасытып, рухын өсіретін Мемлекеттік рәміздердің қысқаша тарихы осындай. Тарихты ұмытпаған абзал. Өйткені, бұл тарих мемлекеттіктің келбеті, айбыны, намысы мен қайраты. Олай болса, 25 жылдық мерейтой – ұлттың тойы. Бұл сондықтан да ерекше мереке!


С. Ақынжанов


Алаш айнасы




Көрілген: 700    Пікірлер: 0

жұма, 04.08.2017, 11:51

Достарыңмен бөліс:

  • СОҢҒЫ ЖАРИЯЛАНЫМДАР:
    4 Тамыз 2017
    Ерекше мереке
    25 Шілде 2017
    Фотосы бар материал ДАЛА ҚЫРАНЫ - 2017

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30