Отбасы - ошақ қасы

Көңілдес болғаныма өкінем...

  • Сурет ашық дереккөзден

    Сурет ашық дереккөзден

Менің жасым 22-де. Кезінде Шымкент қаласынан арман қуып, ару қала Алматыға келдім. ҰБТ-дан жоғарғы балл жинап, КазГУ-ге журналистика факультетіне грантпен түстім. Басында барлығы тамаша болды. Өзім негізі көрсе ел қызығарлықтай сымбатты қызбын. Көп жігіттер сөз салды, бірақ тәкаппар болып ешбіріне қарамадым. Солай уакыт өте, 2 курсқа өткенде киноға түсу туралы ойланып, кастингтерге қатыса бастадым.


Бағыма орай тамаша фильмде қосалқы рольде ойнайтын болдым. Сонымен күнделікті кино түсірілімдеріне барып жүрдім. Тамаша сәттер еді. Әлгі біздің киномызды қаржыландыратын Алматы қаласында атағы бар, 46 жастағы бизнесмен кісі еді. Содан бір күні ол да түсірілім алаңына келді. Өзіне қыз таңдауға келгендей, барлығымызға бастан-аяқ қарап шықты. Содан маған көзі түсіп, ұзақ қарап, кетіп қалды. 2-3 күннен соң қызықты оқиғалар басталды. Керемет гүл шоқтары, асыл тасты бұйымдар. Ол әрине өзі әкелген жоқ, жүргізушісінен беріп жіберді. Арада қалай уақыт өткенін білмей, оның төсегінен бір-ақ шықтым. Сірә, байлығына басым айналған болар шамасы. Содан біз үйлендік. 2-ші әйелі болдым. Өз әйелі мені жек көретін, тіпті мені өлтіртпекші де болды. Ол әйелімен бірге тұрды, ал маған қаладан үй алып берді. Өзі күніге келіп тұрды. Қазіргі таңда есімді жия келе өз ісімнен ұяламын, тастап кеткім келеді. Ол кісіден жиіркеніп тұрамын. Айналамда қаншама жас-жігіттер жүр, ішім удай ашиды ойлансам. Ақшаның да мәнісі кетті. Үйден шығармайды мені. Басқа біреумен жүріп қоясың деп. Есік алдында күзетші. Шаршап кеттім уже. Телефонды көтермей қойсам, айқай ұрыс, тіпті ұратынды шығарды. Жек көріп кеттім. Ажырасамыз деп айтсам, отбасыңды құртып жіберемін дейді. Амал жоқ, отбасым үшін төзудемін. Мен ол кісі үшін көнілдес сияқтымын. Келіп, шаруасын бітіріп, кетіп қалады. Қайран жастық шағым-ай... Киноға түспегенімде мұның бірі де болмас еді.


Қарғайтындарыңызды да, ақылдарыңызды айтып жерден алып жерге салатындарыңызды да білемін. Не дейін барлықтарыңызға сабыр тілеймін. Маған да қиын, ол кісімен бірге болу, я арада жылдар өтсе де арамызда бала жоқ. Екеуміз де дәрігерге тексерілдік. Кінәрат ол кісіден болды. Бірақ, мен керісінше, кінәрат менен деп айттым. Әрине ол кісінің әйелі мені жек көреді. Қанша рет кешірім сұрадым. Кешегі күнге дейін кешірім сұрап келдім әпкеден. Кеше әпкемен сөйлесіп, екеуміз бір шешімге келдік. Құйтыртқы жоспарлар құрып әлгі кісінің менімен ажырасуына мәжбүрледік. Ол кісі дүние мүлкін жақсы көреді. Негізгі себеп дүние мүлкіне тірелсе ол мені де сатып жіберуге дайын. Ақыр соңында көніп ажырасатын болдық. Біз бәрібір заңды некеде емеспіз. Жай ғана мені көңілдесі ретінде пайдаланды. Басы тәтті аяғы ащы болды. Мен мұны мақтанып жазып жатқаным жоқ. Жай ғана қыздарға сабақ болсын деп жаздым. Өтініш тағы айтарым, біреуді қарғамай тұрып өзіміздің артымызда бала-шагамыздын өсіп келе жатқанын ескерейік.




Аяла, Шымкент қаласы

alashainasy.kz/ 




Көрілген: 8657    Пікірлер: 0

жұма, 09.11.2018, 11:09

Достарыңмен бөліс:

  • СОҢҒЫ ЖАРИЯЛАНЫМДАР:
    17 Қараша, 11:48
    Тағдырыма наламын...
    8 Қараша, 09:05
    Күйеу сатып аламын...
    26 Қыркүйек, 12:08
    Жарыма адал бола алмадым
    19 Қыркүйек, 11:11
    Анам үшін ұялам...

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30