Саяси сахна

Ақмола облысының әкімі үкімет отырысының "шырқын бұзды"

  • © Sputnik / Болат Шайхинов

    © Sputnik / Болат Шайхинов

ҚР президенті Нұрсұлтан Назарбаевтың тапсырмасын үкімет мүшелері алғашқы күннен бастап орындады. Әдетте бір-екі сөзін қазақ тілінде бастап, одан әрі орысша судырата жөнелетін министрлер бүгін баяндамасын бастан-аяқ қазақша жасады. Десек те үйреншікті әдетіне басып, сөз арасында орысша сөйлеп қойған шенеуніктер де болды, деп хабарлайды Sputnik Қазақстан тілшісі.


Үкіметтің бүгінгі отырысында үш мәселе қаралды: инвестиция тарту мәселелері, орта білім беру ұйымдарында жаңартылған мазмұнға көшу, Ақтөбе агломерациясын аумақтық дамытудың өңіраралық схемасы.

Алғаш болып инвестициялар және даму министрі Жеңіс Қасымбек сөз алды. Министр инвестиция тартуға қатысты баяндамасын бастан-аяқ қазақ тілінде жасады. Одан кейін мінберге шыққан энергетика министрі Қанат Бозымбаев та президенттің сөзін жерге тастамайтынын көрсетті.


Ауыл шаруашылығы вице-министрі Арман Евниев, "Бәйтерек" холдингі, "Қазақинвест" компаниясының басшылары да қазақ тілінде сөйледі.


Кезек өңірлерге келгенде, Ақмола облысының әкімі Мәлік Мырзалин таза қазақ тілінде өтіп келе жатқан отырыстың "шырқын бұзды". Басын қазақ тілінде бастап, кейін орысша сайрай кетті. Бәлкім президенттің кешегі айтқан сөзі депутаттар мен министрлерге ғана қатысты деді ме екен, жоқ әлде есінен шығарды ма, кім білсін?!


Күн тәртібіндегі екінші мәселеге қатысты баяндама жасаған білім және ғылым министрі Ерлан Сағадиев те Елбасының тапсырмасын орындамады. "Ауру қалса да, әдет қалмайды" деген осы болар, министр мырза ара-тұра орысша сөйлеп қойды.

Бір қызығы, үкімет басшысы Бақытжан Сағынтаев бұл жолы спикерлерге сұрақ қойған жоқ, тек қорытынды жасап, тиісті тапсырма берді. Әлде қарамағындағы қызметкерлерін ұятқа қалдырғысы келмеді ме, кім білсін?!


 


 




Көрілген: 2452    Пікірлер: 0

сейсенбі, 27.02.2018, 12:56

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31