Алаш баласы, айнаңа қара!

сейсенбі, 31.05.2016



Саяси сахна

АҚШ Ресейге қарсы әскери шабуыл жасай ала ма?

  • ©Алаш айнасы иллюстрациясы

    ©Алаш айнасы иллюстрациясы

АҚШ Ресейге қарсы әскери шабуыл жасай алады. Бұл туралы осы аптада АҚШ-тың Қорғаныс министрінің орынбасары Роберт Ворк мәлімдеді. Негізінен, бұған дейін де осындай қатты мәлімдемелер жасалған, алайда бұл жолғысы халықаралық құжаттармен бекітіліп, әлемнің үрейін алып отыр.

Өткен аптада ғана АҚШ президенті Барак Обама НАТО-ға мүше мемлекеттер мен Ресей арасында әскери қақтығыстың орын алу мүмкіндігін жоққа шығарып, мәлімдеме жасаған болатын. Бірақ бұл бағыттағы Американың мәлімдемесі істегісіне мүлде сай болмай шығып жатыр. Сондықтан соңғы кездері ғаламторда "АҚШ пен Ресей ашық кетіседі" деген үрей туғызар дабыра әңгімеге негіз жоқ деп айтуға келмес" деп жазады Дни. ру порталы. Мәселен, Балтық жағалауына АҚШ әскерінің келіп, қоныстанғанына үш айдың жүзі болған. Олардың бір Румынияда 22 зымыран атқылағыш ұшағы тұр. Сол секілді жуырда АҚШ Сенаты бірінші оқылымда-ақ Украинаны НАТО-сыз ақ өзінің одақтасы етіп жариялайтын заң жобасын мақұлдады. Бұл құжатқа сәйкес, Ресей Украинаға ашық әскери шабуыл жасайтын болса, онда АҚШ өзінің одақтасының территориясына жауынан бірлесе қорғану үшін әскер кіргізетін болады. Сондай-ақ АҚШ-тың одақтасы мәртебесіне Грузия және Молдова да ие болған. Осы құжат барлық елдің мекемесі мен құрылымдарына Ресей аннексиялаған Қырым тәуелсіздігін мойындау мақсатында іс-қимыл жасауына тыйым салады. Малайзия ұшағы апатын зерттеу мақсатында деген желеумен бүгіндері Украинаға Пентагонның ең білікті бірқатар маманы жіберілген. Ал шынтуайтында, олар жаудың көзін жою үшін жылдам қимылдаудың ең озық технологияларын жергілікті әскерилерге үйрету үшін келген деседі. Қалай дегенмен де әлгі құжатқа сүйеніп, Обама Украинаның әскери саласына көмектесу үшін бұйрық та беріп қойыпты. Алайда онда бұл көмек ішінде техникалық жағы қарастырылмайды деу ұмытылмай жазылыпты. Әрине, мұны өзіне төнген тікелей қауіп деп санаған Ресей бүгіндері стратегиялық әріптесі Қытаймен бірлесіп нақты іс-қимылға көшкен. Бірақ оның қандай іс-қимыл екендігі ешқай жерде нақты айтылмайды. Бірақ кеше Пентагонның ресми өкілдері "Обаманың Ресейге қарсы әскери күш қолданбаймыз дегеніне қарамастан біз қоқан-лоқы көрсетіп отырған Ресей мен Қытайға қарсы жауап қатуға дайын болуымыз керек" деп мәлімдеген. Сөзбе-сөз келтіре кетелік: "Қытай мен Ресей Екінші дүниежүзілік соғыстан кейін белгіленген халықаралық тәртіпті қайтадан қарастырғысы келіп, шекарасы маңындағы әскери құрылымындарын күшейтіп, өзгелерге доқ көрсетіп жатыр. Мәскеу мен Пенкин көрсетіп отырған доғына АҚШ-тың әскери тәсілмен жауап қата алатынын білуі тиіс". Осылайша кеше ресми болмаса да АҚШ өзінің әскери дайындығын, қажет кезде Ресейге де, Қытайға да әскери шабуыл жасай алатынын жеткізді.

Ал Ресейге қарсы жуан жұдырықтар түйілген сайын мұндағы әскерилерден де маза қаша бастапты.

"Хвиля.net" порталының хабарлауынша, ғаламтордан Украинадан қайтқан табыттарды көрген Ресей әскерінің солдаттары әскери болудан бас тартып, үй-үйіне тарқай бастаған. Келісімшартпен әскери салада қызмет етіп жүргендер өз еркімен арыз жазып, жұмыстан босаса, ал отан алдында борышын өтеушілер әскерден қашып жатыр. Ресми емес мәліметтерге сүйенсек, Украинада қаза болған ресейлік солдаттар саны 4 мыңға жуықтаған. Бәрінен масқарасы, баласы соғыста жүргенін ата-ана білмейді. Осы бағытта өзінің журналисттік зерттеуін жариялаған украин тілшісі өзінің ресейлік әріптесі Дмитрий Бавыриннің келтірген деректерге сүйеніп былай жазады: "Ресейдің келісімшартпен жұмыс істейтін әскери қызметкерлері Украина жерінде опат болса, онда олар ізім-қайым жоғалғандар қатарына жатқызылып, ал құжатта оларды бір ай бұрын әскерден өз еркімен шығып кеткен деп жаза салады. Ал денелері отанына оралмайды. Атағы бар ресми әскерилер көз жұмса, онда олар елге "Груз-200" деген атпен танымал гуманитарлық көмек көлігімен жеткізіледі".

Автор: Кәмшат Сатиева




Көрілген: 2087    Пікірлер: 2
Пікірлерді оқу (2) preloader

жұма, 03.10.2014, 10:11

Достарыңмен бөліс:

СОҢҒЫ ЖАРИЯЛАНЫМДАР:

Көп ашылған Көп пікір жазылған

2016
2008
2009
2010
2011
2012
2013
2014
2015
2016
мамыр
қаңтар
ақпан
наурыз
сәуір
мамыр
маусым
шілде
тамыз
қыркүйек
қазан
қараша
желтоқсан

Алаш Айнасы мұрағаты

Дс Сс Ср Бс Жм Сн Жс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31